What if aksidente mong naduraan ang isang mayabang, ma-pride, mayaman, antipatiko, at ubod ng sungit na gwapong dayo sa lugar ninyo? Hindi lang 'yon-sa pangalawang pagkikita n'yo, nabato mo pa siya ng tsinelas... sa mukha! Akala mo doon na magtatapos ang malas mo. Pero hindi-dahil isang misteryosong deal ang mag-uugnay sa inyo. Isang deal na magdadala sa'yo sa nakakatawa, nakakakilig, at minsan nakakainis na laro... isang laro na hindi mo alam kung kailan matatapos, o kung may tsansa ka bang manalo. At kung sa gitna ng lahat ng tawanan at kilig... biglang bumusina si tadhana ng Game Over-handa ka bang um-exit, o itutuloy mo hanggang sa huling round?