Kailangan niya ako para sumikat... Kailangan ko siya para pang-panakip butas... Gamitan lang ba? Uso sa amin yan! Ako si Kaz Legaspi, ang kilalang hopeless romantic ng Adonis band... at siya si Vivienne Charmaine Sy, MY ON-CAM WIFE Matagal nang mahal ni Kaz Legaspi si Patricia Sandoval, ang ex-wife ng kanyang matalik na kaibigan na si Stuart Cordoval. Sinubukan niyang ihayag ang pagmamahal nito ngunit nabigo siya dahil mahal pa rin ng babae ang dati nitong asawa. Dahil nasaktan, naglasing siya. Isang taga-hanga ang naghatid sa kanya sa kwarto at sinamantalang kumuha ng selfie kasama siya sa kama. Naging malaking eskandalo nito dahil napag-alamang minor-de-edad pala ang taga-hangang ito. Kailangan niyang linisin ang pangalan niya sa pamamagitan ng pagpapakilala ng babaeng pakakasalan daw niya. Si Vivienne Charmaine Sy ay dating miyembro ng sikat ng international band na The Lost Music. Dahil drummer lang siya, hindi siya gaanong nakilala kaya nahihirapan siyang sumikat bilang solo artist. Nang dahil sa maling pagpasok niya ng dressing room naging instant fiance siya ng sikat na heartthrob at may bonus pa itong publicity upang makilala siya sa industriya ng showbiz. Kakayanin kaya nilang manatiling magpanggap? Sino kaya ang unang mahuhulog? This is the fourth story ng Adonis band. It centers on the love story of Kaz Legaspi and Vivienne Charmaine Sy.

Si Ram dela Francia ang kahuli-hulihang lalaking inaakala ni Hana na magiging asawa niya. Pero nangyari na lang iyon. Isang araw ay bigla na lamang siya nitong inayang magpakasal. She said yes because of two reasons. Una, para sa kaligtasan ng tatay niya. At pangalawa, dahil itanggi man niya, alam niyang naroon pa rin ang pag-ibig niya para sa binata. Pag-ibig na umusbong noong high school pa lamang sila kahit na wala na itong ginawa kundi ang bwisitin siya. Eh, ganoon nga yata ang pag-ibig. Bulag. Tanga. Pero katuparan na nga ba ng matagal na niyang pinapangarap na love story ang pagpapakasal niyang iyon dito? O part two lamang ng bangungot kasama ang lalaking walang ka-amor-amor sa kanya? At bakit pa ba nito binili ang pag-ibig niya gayong mukhang wala naman itong balak na ibigin din siya?