Na kay Juan Pablo na halos ang lahat... Marangyang buhay, masayang pamilya, marangal na pangalan, at ang babaeng pinakamamahal nya. Wala na siyang mahihiling pa. Ngunit paano kung may hangganan pala ang perpektong mundong natatamasa nya?

Kayang kayang makuha ni Dos lahat ng babaeng gugustuhin nya... Maliban sa isa. Ang babaeng pinakamamahal nya. Paano kung ang taong bukod-tanging nagpatibok sa puso nya, ay pagmamay-ari na pala ng iba?

Isang babae lang ang minahal ni Third sa buong buhay nya. Pero sadyang malupit ang tadhana sa kanya sapagkat agad din itong kinuha sa kanya. Kaya ipinangako nyang hindi na sya iibig pang muli. Ngunit lingid sa kanyang kaalaman na may isang taong biglang dadating sa buhay nya na biglang magbabago ng lahat... Muli kayang bubuksan ni Third ang puso nya upang magmahal ulit. O sadyang mas matimbang ang pumanaw nyang pag-ibig?

Kasal ang tanging paraan upang makuha ni Pol ang mana mula sa lolo nya. Dahil sa isang gabing pagkakamali, nakilala nya ang babaeng nagpapanggap bilang kanyang pekeng asawa... Mapapanindigan kaya nila ang pagiging pekeng mag asawa? O may susuko bigla dahil nagiging totoo na?

Tinalikuran ni Cinco ang yaman, kapangyarihan at marangyang buhay upang makatakas sa kasal na hindi nya ginusto. Nagsimula syang mamuhay bilang isang simpleng tao sa lumang apartment complex nya sa Tondo. Ngunit hindi nya inakalang makakahanap sya ng pag-ibig sa makulit at maingay nyang kapit-bahay.