"Kung hindi mo ako nabunggo at muntik nang mabuhusan ng kape, I wouldn't know you exist. I wouldn't have met you. And I wouldn't fall in love this way." Sa pagkakaalam ng pamilya ni Geraldine, her fiancé was Matthew Beltran. Handsome, rich, caring, loving at kung anu-ano pang magandang katangian. Of course, her fiancé was the best-dahil gawa-gawa lang naman niya iyon para tigilan na siya ng kanyang pamilya sa pagrereto sa kanya ng kung sinu-sinong lalaki. Kung sino ang nagmamay-ari ng pangalang nabasa lang niya sa isang resibo ay hindi niya alam. Until one fine day. Nakabangga niya si Matthew Beltran. He was handsome. At sa pagdaan ng araw, nadiskubre niya, he was also friendly, caring, and gentle. She thought he was also rich. But was he also loving? She wished he was-kasi nai-in love na siya sa totoong Matthew Beltran...

"Hindi pa huli ang lahat para sa atin, Faith. Hindi na natin maibabalik ang mga taong nagdaan pero puwede pa tayong magkasama-sama, di ba? And this time, hindi na tayo magkakahiwalay pa. I love you. Kahit kailan, hindi nagawang pawiin ng galit ang pag-ibig ko sa iyo." ***** Napakaganda ng plano ni Faith at Patrick para sa kinabukasan nila. Pagkapasa ni Patrick sa board exam para sa mga civil engineers ay magpapakasal na sila. Pero nang araw na lumabas ang resulta ng exam ay bigla na lang nawalang parang bula si Patrick. Hinanap ni Faith ang binata. Hindi siya sumuko dahil mahal na mahal niya ito. At ganoon na lamang ang sakit na naramdaman niya nang malaman niyang sumama din ito sa ina patungo sa America upang ganap na mailayo sa kanya. Pagkatapos ng anim na taon ay muling nagtagpo ang landas nina Faith at Patrick. Kapwa may taglay na galit sa isa't isa. "Naaksidente ako. Kritikal ang kondisyon ko. Faith, sa bawat pagkakataon na magkamalay ako, ikaw ang tinatawag ko. Ikaw ang gusto kong makita. Pero wala ka." Agad na napuno ng luha ang mga mata niya. "A-ang mama mo," mahinang sabi niya. "I realized that my mother manipulated us. Nagawa niyang dalhin ako sa America upang doon na rin ipagpatuloy ang pagpapagamot ko. But I didn't recovered fast. Ang sabi ng doktor, napakahina ng will ko para gumaling. And it was because of you. Wala talaga akong balak na mabuhay pa dahil wala ka naman sa tabi ko." Napahikbi siya. "I love you, Patrick." Tumigas ang anyo nito. "Really?" sarkastikong wika nito. "Kaya ba nagpakasal ka agad sa iba?" "Patrick, may mabigat akong dahilan. H-hindi ko gagawin iyon kung hindi dahil-"

"I asked you about love at first sight. Tinanong kita kasi ako rin, hindi ko alam kung totoo ba iyon. But when I met you, naniwala na akong totoo nga iyon. I love you, Ysa. I really do." ***** Si Ysabelle, maganda at dagsa ang manliligaw. Pero ni minsan, hindi pa nagka-boyfriend. Paano, bago kilatisin ang lalaki, inuuna pang magtaray at mang-basted. Tanging siya lang ang nakaalam kung bakit. Enter the Mr. Tall, Gorgeous and Playboy. Si Jonas Sta. Ana. Hindi pa man niya ito nakikilala ng personal, alam na niyang palikero ito. Bakit hindi, kaibigan yata niya si Shelby na kapatid nito na siyang nagsasabi kung gaano kahilig sa babae si Jonas. Siyempre, basa agad ang papel nito sa kanya. Kaya nang una niya itong makita, kahit unat na unat ang barong nito bilang best man sa kasal ni Shelby at nagpapa-cute sa kanya, kibit lang ng balikat ang reaction niya. Pero hindi pala kasing-simple lang ng pagkikibit-balikat ang pag-iwas ay Jonas. Dahil sa pangalawang beses niya itong makita ay natuklasan niyang hindi effective dito ang katarayan niya. At sa pangatlong beses, tila napaulanan na siya ng karisma nito. At bandang huli, sa wari ay lumipad na sa bintana ang sabi niya sa sarili na babastedin niya ang lahat ng lalaking magkakainteres sa kanya. Totoo pala ang kasabihan. There's always an exception to the rule. Sa kaso niya, si Jonas Sta. Ana iyon.

"Kissing you made the difference, Calett. It stirred all the dormant emotions in me. Emotions that I didn't know I possessed until you made me realize they exist. I didn't know what I'm missing until I kissed you." Si Scarlett - gagawin niya ang lahat para lang mapansin siya ni Chad O'Hara-para lang matuloy ang obsesyon niya na maging Scarlett O'Hara ang pangalan niya. Si Rod - gagawin niya ang lahat para lang alaskahin si Scarlett. Mientras nakikita niyang napipikon ang dalaga, ang saya-saya niya. Si Scarlett uli - hindi niya kailangan si Rod sa buhay niya. Ni hindi niya ito itinuturing na kaibigan-asungot sa buhay niya manapa. Mula't sapul ay alaga na siya nitong buwisitin. Hanggang sa isang araw ay sumagad ang pagkapikon niya sa binata at binuhusan niya ito ng isang pitsel ng juice. Hindi nagalit si Rod. Bagkus ay hinalikan siya. And oh, that kiss felt sooo sweet she almost forgot her name. At nagbago ang lahat kina Scarlett at Rod...

WG CAROLINE - The Florist Hindi niya alam ang eksaktong sagot sa tanong ng kapatid niya. Mahigit isang buwan na silang palaging magkasama ni David-ang binatang nagmamay-ari ng resort na napuntahan niya. Pero hindi pa nila pinag-uusapan kung ano nga ba ang relasyon nila sa isa't isa. Hindi na niya naiisip na magtanong dahil bukod sa wala siyang lakas ng loob na magtanong ng tungkol sa estado ng relasyon nila ay kuntento naman siya sa nangyayari sa kanila. Masaya sila palagi. Hindi sila nag-aaway. Sa bawat date nilang dalawa, pinapatunayan ng binata sa kanya ang pagiging romantiko nito. Ang totoo, hindi niya inaanalisa ang damdamin niya para kay David. Ni ayaw niyang isiping in love siya sa binata. Pakiramdam niya, kapag natanto niya ang bagay na iyon ay magiging problema lang niya. Baka maging demanding lang siya sa binata na suklian din nito ang pag-ibig niya. And yet, itinatanggi pa rin niyang mahal niya ito. She must be crazy. At napangiti niya. Yes she was crazy. She was crazy in love with him. At lumuwang ang ngiti niya. Inamin din niya sa sariling in love nga siya sa binata.

"Ikaw ang ngayon. Ikaw ang gusto kong maging ngayon ko at bukas. I told you, I'm beginning to love you. And I know it won't be hard for me to love you more." *** Labis na nasaktan si Charity nang matuklasan niyang niloko lang siya ng boyfriend niya. Iniwan niya ang kanyang career bilang wedding emcee at nagpasyang magbakasyon muna sa Gonzaga, Cagayan. Doon ay muling nagtagpo ang landas nila ni Edmund, isang lalaking nakilala naman niya sa isang kasalan. Everything happened too soon. Natuklasan na lamang nilang umiibig sila sa isa't isa. Or so she thought. Sapagkat isang beses, narinig na lamang niyang tinatawag ni Edmund ang isang babae na bahagi ng nakaraan nito. At masakit niyon para sa kanya... Pero bakit ba kahit na ganoon ay mahal pa rin niya si Edmund?

"Tell you what, Shelby, kapag nag-mature ka na. Maybe, kapag eighteen ka na at ako pa rin ang crush mo, ibibigay ko sa iyo ang first kiss na hinihiling mo." ***** Marcus Sandoval was her big crush during her teens. Fifteen si Shelby nang matanggap ni Marcus ang isang Valentine card na hindi niya ipinadala subalit ang nakasulat ay ang totoong laman ng puso niya: she wanted Marcus to be her valentine and first kiss. Nasunod ang unang kahilingan niya. Marcus gave her the experience of first date. Subalit hindi siya nito pinatulan upang maranasan ang isang halik. Ang pangako nito: someday. Iyon ay kapag hindi na siya ganoon kabata o kaya ay kapag tumuntong na siya sa disiotso. At sa kondisyon na si Marcus pa rin ang crush niya. Subalit pagkatapos nang gabing iyon ay bumilang ng mahabang taon bago sila muling nagkita. At bagaman natanto niya na si Marcus ay nanatili pa ring espesyal sa kanyang puso, hinding-hindi naman niya magagawang ipaalala dito na mayroon pa siyang isang kahilingan na hindi nito napagbibigyan. Because was now engaged to be married to someone else. Pero bakit buhat nang muli niya itong makita ay siya mismo ang hindi mapakali?

Ang babae nga pala ay nililigawan muna at saka pa lang pasasagutin. Can we be a bit different, sweetheart? Puwede bang sagutin mo na muna ako at saka na lang kita liligawan? Isang taong panliligaw, puwede na kaya? One whole year kasabay ng engagement period. ***** Seryoso si Jenna sa kanyang karera bilang wedding planner. Naniniwala siyang kakambal ng propesyon niyang iyon ang matatag na kredibilidad upang lalo siyang makilala sa mundong pinasok niya. Pero parang tuksong dumating sa kanya ang isang lalaki-na handang mabayad ng kahit limang milyong piso upang sirain niya ang isa sa mga kasal na inihahanda niya para sa kanyang kliyente. Tiyak siya sa kanyang sarili, gaano mang kalaking halaga ay hindi niya ibebenta sa lalaking iyon ang kontartang pinirmahan nila ng kanyang kliyente. Hinding-hindi siya masisilaw sa kaway ng salapi. Iyon nga lang, tila masisilaw naman ang puso niya sa taglay na kaguwapuhan ng lalaking si Jaime dela Merced.

"I realized that I love you too. Siguro, natabunan lang iyon ng marami pang klase ng pagmamahal na iniukol ko sa iyo mula't mula pa. Pero hindi na ito iyong pagmamahal na parang sa isang kapatid o kaibigan. I mean, I'm also in love with you, Maxine." ***** Si Maxine, all her life si Xanderr ang kasama niya. Kalaro, kaibigan at parang kuya. Kung paano siya bigla na lamang na-in love dito ay hindi niya alam. Basta ang alam niya, hindi niya iyon sinasadya. Si Xanderr, all his life, si Maxine ang kasama niya. Pero ni minsan, hindi niya inisip na iibig siya dito. She was a playmate to him, a friend and a shock absorber. Sa dami ng mga babaeng nagdaan sa buhay niya, magtagumpay man siya o mabigo, si Maxine ang kapiling niya. Isang araw bago ikasal si Xanderr, natuklasan nito ang pinakatatagong lihim niya. Pero hanggang doon na lang ba iyon? O may pag-asa pa para sa kanya naman mabaling ang pag-ibig ni Xanderr?

"I've never been happier in my life, honey. I've never been this in love before. I'm so glad you came into my life." *** Hindi inaasahan ni Julianne na sa kanya ipapamana ni Mildred Sunico ang lahat ng kayamanan nito sapagkat hindi naman siya kadugo ng matanda. Subalit hindi ganoon kadali ang magiging pagsalin sa kanya ng kayamanan nito. Kailangan muna niyang sumunod sa kondisyon nito. Ang mag-asawa siya sa loob ng anim na buwan. Tamang-tama naman na nag-alok na sa kanya ng kasal si Tim Pozzorubio. Parang dobleng suwerte iyon sa buhay niya. Matutupad na rin ang pangarap niyang maging bride at may mamanahin pa siya. Pero paano kung matuklasan niyang si Tim ay konektado sa isang taong malaki ang interes sa kayamanang mamanahin niya?