a

Madalas ng mga nalalasing ay either nag-iinom o nag-iinuman--minsan ay mag-isa lang na tumotoma; minsan, grupo kung tumagay. Pero paano kung dalawa lang silang nag-iinom? Ano kaya ang mga pinag-uusapan nila? May halaga ba ang buhay ng tao? Ano ba ang hustisya? Bakit kaya may mga kailangang masaktan muna bago mag-isip? At kaya pa ba ang isa pang lapad? Kilalanin natin ang magkaibigang itatago natin sa mga pangalang L1 at L2, na pinupulutan ang piso-pisong mani sa ilalim ng puno ng bougainvillea malapit sa suki nilang sari-sari store.