Isang lumang notebook ang natagpuan sa isang bahay sa baryo Kalamyan. Sa mga pahina nito nakatala ang mga kahindik-hindik na bagay na nangyari sa baryo sa loob ng walong araw.

Isang buwan pagkatapos isiwalat ng "lagalag na pulis" ang mga dokumento (notebook) tungkol sa isang baryo na kung tawagin ay Kalamyan at ang mga kahindik-hindik na bagay na nangyari dito sa internet, muling sumambulat sa madla ang isa pang notebook tungkol sa Kalamyan at sa mga tao dito na siyang magbibigay ng kasagutan at konklusyon sa sinapit nila.

Listahan ng limang taong kailangan nang mawala: 1. Kevin - ang hinayupak na gumahasa sa utol kong si Tina 2. John Lee Mark Villafuerte - ang kupal/bully/spoiled brat na anak ni Mr. and Mrs. Villafuerte. 3. Totong - ang walang silbing tambay na ipinanganak lang para mag-ingay. 4. Si "Father" - ang pari 5. Si Tatay

Ano ba ang nangyayari sa bahay ni Clarisse? Ang mga gamit ay nawawala. Una, ang sa anak na si Rob. Sumunod ang mga gamit niya. Kalaunan pati mga kagamitan ng katulong na si Maritess, nawala rin at saka lilitaw pagkalipas ng dalawa hanggang apat na araw. Sino ang pilyong tila yata pinaglalaruan sila? Baka si Rob, ang anak niyang limang taong gulang. Pero tigas ito sa pagtanggi. Hindi raw siya kundi si Albert ang may sala. Ang imaginary friend niyang nakatira sa ilalim ng kama.