Nakilala ni Cass si Rendell sa panahong galit siya sa mundo dahil nawalan siyang ng trabaho. Gwapo ito ngunit masungit. Hindi niya akalain na muling magku-krus ang mga landas nila. Ito pala ang magiging boss niya sa trabahong inalok ng kanyang kaibigan. Naging assistant siya nito. Bawat araw na lumilipas ay nag-iiba ang tingin niya dito at hindi niya alam kung bakit. Ang simpleng paghanga niya dito ay lumago hanggang sa hindi niya namalayan na mahal na pala niya ito. Tinanggap na niya ang nararamdaman para dito nang sandaling halikan siya nito. Ngunit matapos siyang halikan nito ay 'di niya inaasahan na may kasunod pala agad ito. Hindi nga lang sa kanya, kundi sa ibang babae.

Three years ago, Maxine ran away from her engagement with Rye. Hindi niya kayang makasal sa lalaki. Lalo na at alam niyang may iba itong mahal. Kung saan-saang lupalop siya ng bansa napadpad, makapagtago lamang dito. Until one day, sa hindi inaasahang pangyayari ay nagkrus muli ang landas nilang dalawa. Malamig ang pakikitungo nito sa kanya at gustong siya mismo ang magkansela ng kanilang engagement. Mula noon ay hindi na ulit siya nakatakas dito. Sa tuwing sinusungitan siya nito ay parang may kumukurot sa kanyang puso nguit kailangan niyang tiisin ang malamig na pakikitungo nito kung iyon lang ang tanging paraan para mapatawad nito at para mapalaya ang kanyang puso.