"Higit sa takot na masaktan at mahirapan, mas takot akong mabuhay na wala ka." Buong buhay ni Jesilyn ay naging overprotective ang kanyang mga magulang. Sila ang nagdedesisyon para sa kanya, maging ang kasintahan niya ay ang kanyang papa at mama ang pumili. But all Jesilyn wanted in life was to be free and explore the world... Kahit maiksing sandali lang. Kaya nang yayain siyang magpakasal ng kanyang nobyo ay nagdesisyon siyang pumunta sa ibang bansa. Iyon na ang huling pagkakataon para magawa niya ang mga hindi pa nararanasan. Bitbit ang traveling bag at ang kanyang "treasured list of courageous things to do," nagpunta siya sa Singapore. Doon ay nakilala niya si Ryan Decena. Si Ryan ang naging companion ni Jesilyn habang nasa Singapore. He tolerated all her antics. Pakiramdam niya ay matagal na silang magkakilala. Unti-unti ay nararamdaman niya na pareho na silang nahuhulog sa isa't isa. Subalit may katapusan ang sandaling iyon. Kailangang bumalik ni Jesilyn sa Pilipinas at harapin ang realidad ng kanyang buhay. Inakala niyang hanggang doon na lamang ang magiging koneksiyon nila ni Ryan. Pero kaibigan pala ito ng kanyang nobyo. And when he realized who she was, he told her that they should forget everything that happened between them. Kung sana ay ganoon lamang kadaling gawin iyon...

May manipis na linya sa pagitan ng unconditional love at katangahan. Sa loob ng dalawang taong pagiging assistant ni Charlene kay Art Mendez, isang sikat na film director, buo ang paniwala niya na unconditional love ang nagtutulak sa kanya na gawin ang lahat para sa binata. Mula sa pagre-resign sa dati niyang trabaho para maging assistant ni Art, hanggang sa pagiging punong abala sa preparasyon ng kasal nito. Bale-wala sa kanya kahit sa tingin ng iba, pagpapakatanga ang ginagawa niya. Hanggang isang aksidente ang naging dahilan para hindi matuloy ang kasal ni Art. lyon din ang naging dahilan kaya nagkalapit si Charlene at ang binata. Ipinangako niya na hindi ito iiwan hanggang sa maka-recover. Unti-unti ay nakita niya ang recovery ni Art. Unti-unti rin ay naging higit pa sa dati ang relasyon nila. When he kissed her, she felt like her feelings would finally be reciprocated. Nagkaroon siya ng pag-asa. Na agad ding gumuho dahil bumalik ang babaeng tunay na mahal ni Art.

"Kailangan lang palang makilala ko ang tamang babae para gustuhin kong lumagay sa tahimik. Mabuti na lang, nakilala kita." Brokenhearted si Almira nang makita niya si Brad sa pangalawang pagkakataon sa Las Vegas. Ang dating masayahin at laging may nakahandang charming smile na Brad Madrigal ay miserable naman sa pagkakataong iyon. Kailangang magpakasal ni Brad sa isang babaeng hindi nito mahal. That night, they found comfort in each other. Kinabukasan, nang magising si Almira ay naroon na siya sa hotel room ni Brad. Kapwa wala silang maalala sa mga nangyari kagabi pero alam nilang may namagitan sa kanila! Inakala ni Almira na hanggang doon na lang ang magiging koneksiyon niya sa binata. Pero dumating ang isang package mula sa Las Vegas. Ang laman-isang marriage contract... At silang dalawa ni Brad ang nakapirma. She was married to a famous and internationally awarded celebrity! PS: dahil published na ang story na ito kaya asahan na po ninyo na may mga eksena sa libro na wala dito sa wattpad. enjoy reading!

Alam ni Rima sa sarili na hindi lang siya pang-promo girl sa supermarket na nagpapa-sample ng iba't ibang produkto. She had proven herself right nang matanggap siyang account executive sa isang kompanya. From selling instant noodles, she would now be selling toilet bowls. Well, not bad dahil galing naman iyon ng Italy. Pero mainit ang dugo ng boss ni Rima sa kanya. Wala nang alam gawin si Andy-her boss-kundi awayin siya. In one of their fights, she bit his finger-hard. She was fired. Sa awa ng bratitat na anak ni Andy, kinuha siya nitong yaya. From promo girl, yaya ang kinabagsakan ni Rima. Siya na yata ang halimbawa ng naghanap ng kagitna, isang salop ang nawala. Kaya? Eh, fifteen thousand pesos naman daw ang suweldo plus allowance. Meron pang isang benefit na hindi niya alam. Si Rima pala ang napili ng anak ni Andy na maging new mommy nito. That was some benefit that was hard to resist.

Ang gusto lang ni Coco Artiaga ay ang mamuhay nang tahimik at nag-iisa. Ang mapagbintangang aswang ang huling bagay na gusto niyang mangyari sa kanya, pero iyon nga ang nangyari. Sinugod ng taong-bayan ang lumang bahay na tinitirhan niya at balak pa yata siyang sunugin ng mga ito nang buhay dahil nga naniniwala ang mga ito na isa siyang aswang. Enter Carlo, her Lilliputian knight. Buong gilas siya nitong ipinagtanggol sa mga nang-aakusa sa kanya. "Mga katoto, aswang man po ay may karapatan sa due process, ayon sa Saligang Batas ng bansang Pilipinas!" buong giting na wika nito. Itinalaga pa nito ang sarili na maging tagabantay niya. Kapag daw nahati ang katawan niya, ito na ang bahala sa maiiwan niyang kalahati. Mahilig daw ito sa magagandang legs.

Khaki was forced to go on a blind date with a woman named Luka. She's pretty, fine. But she's a total weirdo for saying she'd rather marry Ichigo Kurusaki than me! What the hell... who is Ichigo Kurusaki anyway?! (My One And Only Elyen Girl is published under PHR. I will post the complete chapters soon.)

Ang lupit naman yata ng mundo. Pinagkakaisahan na yata siya ng mga bituin ng tadhana. Ang kaibigan niyang kabit, mapapakasalan na; ang kabarkada niyang antipatika na hindi naman kagandahan, may seryosong boyfriend; ang friend niyang bading, may minamahal at nagmamahal; at ang kubang kahera nila, buntis at ikakasal na rin. Pero siya, si Amparo Dimailig, beinte-siyete anyos at beinte-dos oras na sa daigdig, may tamang sukat ng pangangatawan, nasa magandang kalusugan, may maayos na trabaho, may kabuhayan, ay wala ni kalahating suitor! At ang herodes na si Nemesio-ang crush niya since kinder-ay mas gugustuhin pang mapagbintangang bading kaysa magkagusto sa kanya!

Jella gave up everything to become a successful fashion designer in New York. Malapit na niyang maabot ang tagumpay nang isang eskandalo ang sumira sa kanyang career. Wala siyang choice kundi ang bumalik sa Pilipinas, kahit nangangahulugang kailangan niyang harapin ang mga tinalikuran noon para sa kanyang ambisyon. Kasama na si Derek Manalili, ang lalaking minahal ni Jella pero sinaktan at iniwan. Hindi na umaasa si Jella na madurugtungan pa ang naging relasyon nila ni Derek. Kaya nagulat siya nang makita ang lalaki sa kanyang homecoming party. Hinarap siya nito na parang walang nangyaring hindi maganda. Suddenly, he came back into her life. Nanatili si Derek sa tabi niya at ipinaalala ang mga bagay na nakalimutan na niya sa loob ng anim na taon. He made her fall in love with him again. Pero kung may hadlang sa relasyon nila noon, lalo na ngayon. Galit na kay Jella ang pamilya ni Derek. May ibang babae na gusto ang mga ito para sa binata. At kahit inaalok na siya ni Derek ng kasal, hindi pa siya handang mag-asawa. Pero kapag umalis uli siya, siguradong wala na siyang babalikan pa

Dahil frustrated sa trabaho bilang real estate agent, tinanggap agad ni Tipper ang alok ng TV personality na si Margot Soriano na magpanggap na maid at mag-apply kay Alberto Fierro, ang action superstar na kasalukuyang nagtatago sa Tranquility Island. Gusto ni Margot na mag-spy siya sa aktor. Kaya ora mismo, lumipad siya papunta sa isla. Ang nadatnan ni Tipper doon ay isang lalaking nagpanganga sa kanya. Alberto was indeed larger than life. Tall, dark and brooding. Ang kaguwapuhan nito ay hindi dala ng matangos na ilong o ng nangungusap na mga mata kundi ng karakter. Hanggang sa ipakilala nito ang sarili. "You see, my dear Tipper, my name's 'Algernon.' Algernon Tobias Fierro, Alberto's older and more dashing brother." Biglang nagdoble ang tingin niya sa lalaki.

May misyon sa Bud Brothers Farm si Betsy: Susubaybayan at aalamin ang lahat-lahat tungkol kay Wayne Alban, ang misteryosong boyfriend ng kanyang amo. Unang araw pa lang niya roon ay pumalpak na siya nang madaganan at masira niya ang precious hibiscus hybrid ng lalaki. Nangangatal man ang lahat-lahat sa kanya ay umamin siya rito ng kasalanan. "Kahit ano ho ang iparusa n'yo sa akin, tatanggapin ko, mapatawad n'yo lang ako," sabi niya sa dark and utterly mysterious na si Wayne. "Okay. Be my wife," sabi nito. Gilalas siya. Parusa ang hinihingi niya, hindi biyaya!