Pagdating sa pag-ibig ay may dalang kamalasan si Aika. Sa tuwing kasi mai-in love siya ay lagi na lang dead-end ang kinahahantungan ng buhay pag-ibig niya kaya hanggang crush lang ang status na puwede niyang ilaan sa mga kalahi ni Adan. Kaya nang masaksihan niya ang pagkakabasted ni Migi ng girlfriend nito ay awang-awa siya sa guwapong nilalang. Bigla siyang tinopak ng pagiging Good Samaritan niya. Pero kung siya rin naman kasi ang tatanungin, iyon na siguro ang pinaka-lame na proposal na nasaksihan niya sa buong buhay niya. Kaya nang magkaroon siya ng pagkakataon ay pinayuhan niya ito. "Oh really? Why don't you show it to me then?" Ano raw? Pikutin niya pa ito, eh. Why not!

"I'm moving on. I want to love someone else. And I want it to be you." Paano ba mag-move on? Madaling sabihin pero napakahirap gawin. Paano magiging madali kay Luis iyon kung mula pagkabata niya ay wala siyang ibang minahal kundi si Lara? Minahal nga siya nito sa bandang huli pero kung kailan huli na ang lahat. Maigsi na lang ang sandali para sa kanilang dalawa. Pero gusto niyang mag-move on pa rin. Sa kabila ng sakit ng pagkabigo, alam ni Luis na kailangan niyang ipagpatuloy pa rin ang buhay niya. He wanted to love again. At hindi naman niya kailangang ilayo masyado ang tingin. There was Grace, ang sekretarya niyang ubod ng ganda at may mina yata ng self-confidence. Palagi pa nitong ipinagmalaking "dikit" ito sa big boss. Ang kaso ay may pagka-misteryosa din ang babaeng iyon. Kung kailan handa na siya para ligawan ito ay saka naman ito biglang nawala. At ang susi lang para mahanap niya si Grace ay ang big boss niyang si Kevin--- guwapo, mayaman at isa sa most sought after eligible bachelor in town. And Kevin was over-protective of Grace. Pero desidido na siya. Kahit harangan pa siya ng big boss, hahanapin niya si Grace. Kung nabasa mo ang kuwento ng Pahiram Ng Isang Pasko, malamang ay kilala mo na si Luis. Kung hindi mo pa nabasa ang kuwentong iyon, mas maganda unahin mo muna bago ito. This is a spin-off of the said novel. This book is published in 2017 by Precious Pages Corporation.