Si Nero ay isang katutubo mula sa isang bayan na umusbong sa tabi ng oasis na nasa kalagitnaan ng disyerto. Sa murang edad ay nawalay siya sa kanyang tahanan. Sumailalim siya sa isang misteryosong ritwal na ginawa sa kanya ni Eleazar, ang nagpakilalang nigromante na siyang nagdala sa kanya sa isang lumang tore. Nang mamatay si Eleazar, desidido na siya na mabuhay nang nag-iisa sa habang panahon ngunit nagbago ang desisyong iyon nang muling magbalik sa buhay niya ang isang dating alipin na si Linus. Magmula sa pagkikita nilang muli pagkalipas ng labinlimang taon, hindi na siya nito nilubayan at patuloy siyang kinukumbinsi nito na lisanin ang tore...