Madalas tuksuhin si Skye ng kanyang mga kaibigan na “NBSB” o No boyfriend Since Birth, pero siyempre madalas niya lang din balewalain ang mga iyon. Ano ba naman sa kanya kung ganun nga siya. Sa klase ba naman din kasi ng trabaho niya bilang isang guro, madalas ay abalang-abala na lang siya paghahanda ng kanyang lesson plan. Hanggang isang araw ay kulitin siya ng kanyang kaibigan na si Kreezia na sumama sa inihanda nitong outing. Hindi man siya mahilig sumama sa mga ganitong paglabas ay pinagbigyan na lamang niya ito upang matigil ang pangungulit sa kanya ngunit mukhang pati yata ang tadhana ay biniro na rin siya sa pagkakataong ito. Nakilala niya si Seth, isang playboy na P.E teacher na mukhang walang kabalak-balak magseryoso sa buhay. At kung makangiti sa kanya ay animo’y model na nagpo-post sa isang pictorial. Ngunit anong kaba ang kanyang nararamdaman sa tuwing nakakausap niya ito? Alam niyang kailangang iwasan ang mga lalaking ganito pero bakit parang itinutulak siya ng kanyang puso papalapit dito. Ito na kaya ang lalaking magsisimulang magpagulo sa kanyang simpleng buhay?