🌸الجزء الرابع و الأخير من سلسلة : أسياد فوق الطبيعة 🌸 و أخيرا جاء الوقت فين تنكشف الأسرار الكبيرة اللي ظلت مدفونة من زمان . الحارس الأعظم مانساش داك الموقف الغريب و الغامض اللي وقع بينه و بين السيد أحمد ، لابد مايكون شي سر غامض و خطير ما بين باه و بين وسيطيه السابقين أب آلاء و السيد أحمد . التلاتة ماتوا ، و سرهم تدفن معاهم . إذا إكتشاف داك السر غايبقى تحدي ليه أو غاتسبب ليه في لعنة فضول غاتبقى ملازماه الباقي من حياته . من جهة أخرى ، حياته تغيرات بعد ولادة الحارستين ، كبرهم و رباهم على يديه و تكلف بحمايتهم حتى تحولوا لإمرأتين ناضجتين ، ذكيتين و بغاية السحر و الجمال . و في الوقت اللي كانوا كايكبروا ، كلما كانوا كايقربوا من سن العشرين كلما كان كايزيد قلقه و حتى مخاوفه . من زمان ، من أول ما شافت جواهرهم النور، منين كانوا بزوجات بين ذراعيه كايرمشوا مطلعتين إليه ببراءة ملائكية ، عرف أن قلبه غايتطعن و يتدبح من النصف . غايواجه جحيم الإختيار رغم أنه فعلا ماعندوش حق الإختيار . ♡○♡○♡○♡ ❌يجب قراءة السلسلة بالترتيب ❌ ● الغلاف من تصميمي الخاص . ● لا أحلل النسخ أو الإقتباس بدون إذني . • Rain Dali | 2021 .

🔹الجزء التالث من سلسلة : أسياد فوق الطبيعة 🔹 • بعد لعنة النحس في الجزء الاول و لعنة تالا في الجزء الثاني ، الجزء الثالت كايرجع بلعنة مخالب القمر .. ايدر ، المستذئب اللي جبداتو تغريد -وسط محنتها- من عمق الماء و عتقاتو من مصير علقاتو فيه ساحرة شريرة .. انتقم منها و التهمها بشراسة بدون رحمة .. دابا رجعت استمرت الحياة عنده بعدما توقفت لسنين طويلة . غايرجع للهدف اللي كان جابو لهاد الارض من الاول .. يبني قطيع كبير خاص بيه و يلقى انثى قوية تقبل حقيقته ، تحمل جراءه و تحكم القطيع فجنبه .. المشكل هنا ، هو انه ماكاين حتى ذئب من غيره في المنطقة ، فباش غايعمر قطيعه ، و فين غايلقى امرأة تتقبل حيوانيته ؟ مابقى غير حل واحد ، يكسر قانون من القوانين المحكومين بها في الارض .. بشخصيته المشاكسة، ماشي عائق عنده كسر القوانين . العائق الوحيد اللي عنده هو الحارس و بطبيعة الحال الوسيط الجديد دياله اسلام ، اللي اكيد اذا اكتاشفوا سره ماغايسكتوش ليه و ماغايبقى لا هو و لا قطيعه و لا حتى خليفته .. غايختفي بدون مايخلي اثر ، بحال المرة اللي قبل ، غير المختلف الآن .. هو غايختفي بلا رجعة .. و ماغايسمحش لهادشي يوقع .. ------ •القصة مسرودة بالكامل باللهجة المغربية . •القصة من تأليفي ، لا أحلل الاقتباس منها لاي عمل اخر . ▪Rai

🔹الجزء الأول من سلسلة : أسياد فوق الطبيعة 🔹 🔸سحر اسود و واقع بمزيج خيال ... فاش كانت آلاء كاتكبر قدامو .. ماكان زين العابدين كايشوف فيها غير بنت مدللة .. طايشة و قليلة الادب .. و ماكانت عندو حتى فكرة عن حقيقتها ..شكون هي ؟و اشنو كاتملك ؟ كانت كاتملك مستقبلو .. و حياتو الباقية .. ___________________ • القصة مسرودة بالكامل باللهجة المغربية . • الغلاف من تصميمي الخاص . •القصة من تأليفي ، لا أحلل نسخ او الاقتباس منها في اي عمل آخر . ▪Rain Dali | 2018 .

🔹الجزء الثاني من سلسلة : أسياد فوق الطبيعة 🔹 🔸بعدما عرفت آلاء حقيقة كونها بيلسانة ، التفسير المنطقي لاختلاف شكلها على باقي البشر ، فهمت باللي ماشي من مصلاحتها تكشف سرها للبشر ، خاصة السحرة منهم ، غايقتلوها ، غايشربو دمها و يلتاهمو اعضاءها .. و بعدما نجحت بالتخلص من لعنة النحس لي كانت عاطبة حياة زوجها بكاملها ، اليوم بدات كاتكتاشف اشياء اخرى كانت بعيدة تمام البعد على الحياة الهادئة و العادية لي كانت عايشاها ، أسرار بعيدة على عيون و ادراك البشر ، و الحقائق لي اكتاشف ابوها و صديقه ماهما غير نقطة في بحر عميق و واسع . و من جديد ، غاترجع الحركة في حياتها ، حروب و صراعات بين غرائزها و رغبتها الحقيقية ،تهديدات غاتثير حمائيتها تجاه أسرتها الصغيرة .. غاتحاول تتمم واجبها في الحراسة على أكمل وجه ، خاصة مع ديك المشاغبة الصغيرة ، تغريد ، اللي بسباب الملل فحياتها لعبات بالعافية و طاحت بين براثن ساحرة شريرة، ماغاتخليهاش تحرق نفسها ، ماشي هادشي لي كايمليه عليها واجبها و غرائزها .. ❌يجب قراءة السلسلة بالتتابع❌ __________ ● آلاء و لعنة تالا ،الجزء التاني لآلاء و المنحوس . • القصة مسرودة بالكامل باللهجة المغربية . • الغلاف من تصميمي الخاص . • القصة من تأليفي و لا أحلل النسخ او الاقتباس منها في ق