"Umupo ako sa ilalim ng isang puno at doon ay napansin kong kakasibol pa lamang ng mga bagong dahon sa kanyang lumang sanga. Napangiti ako sa aking nakita dahil ngayon ko lamang napag tanto na ang lahat ng mga bagay sa mundo ay may kaniya- kaniyang paraan upang buuin ang kanyang sarili. Katulad ng punong ito, sa kabila ng kantandaan ay nagagawa pa rin niyang ayusin ang kanyang sirang sanga at palitan ito ng mas matibay pa. Iyan marahil ang sinasabing kulay ng tag sibol. Habang may buhay ay may pag asa. Kaya't matutong makipaglaban kahit ang kapalit pa nito ay isang daang beses na pagkakadapa." -ALDRIN JIMENEZ

Hanggang sa Lokohan na nga lang ba?

Bata pa lamang ako ay iminulat na ako ni Tiyo sa aking kapalaran.Ako'y isang anak ng babaeng ahas matagal ng panahon ang nakalilipas.Mabait ito at mapagmahal.Pinagsamantalahan siya ng isang mangangaso at ako ang naging bunga nito.Sa kabila ng ginawang kahalayaan ay minahal nya pa rin ako habang ako ay nasa kanyang sinapupunan.Dumating ang araw na isinilang ako bilang isang maliit na itlog.Nalaman ito ng mga Dyos at Dyosa kaya naman inutusan nito ang isang mahusay na mandirigma at may dugo ring Dyos na paslangin kami ng aking ina.Nakipagbuno ang aking Ina sa mandirigma at sa kasamaang palad ay napaslang sya nito at pinugutan ng ulo.Isa iyong gantimpala para sa parte ng mandirigma.Hinangaan siya ng buong sangkatauhan dahil sa husay nito subalit lingid sa kaalaman nito na nauna nang naisilang ang anak nito bago pa man mapaslang.Mula sa dugo ng aking Ina ay binigyan buhay ang isang nilalang na may katawan ng kabayo at pakpak ng ibon,tinatawag itong Pegasus.Ito ang nagligtas sa akin sa kapahamakan.Nagpakalayo-layo ito kasama ako.Matagal na panahon ang lumipas bago ang itlog ay nabasag at isang malusog na sanggol na lalaki ang lumabas at ako iyon.