"You may be out of my sight but not out of my heart. You may be out of my reach, but not out of my mind. I may mean nothing to you but you'll always be special to me." February was the golden girl, the princess. Wala siyang ginusto na hindi nakukuha. Kaya naman nag-init ang kanyang ulo nang parang may sakit siyang iniiwasan ng probinsiyanong transferee na si Raymond Angeles. He was one gorgeous hunk that caught February's attention. Sunod siya nang sunod sa binata na hindi pa nangyari kahit kailan. Nasaktan siya nang sabihan na parang asong bubuntot-buntot kay Raymond kaya nagalit siya at binalak na gantihan ang binata. But he became her unexpected hero in a school dance. At himala ng mga himala ay nagkaroon sila ng pagkakataong maging close. Pero hindi iyon tumagal, umalis si Raymond na galit dahil sa maling akala na pinaglaruan niya ito. Limang taon ang lumipas at muling nagbalik si Raymond. He was now a famous swimmer. Baliktad na ang kanilang mundo, mahirap na si February. Hindi alam ng dalaga kung bakit nakikipaglapit sa kanya si Raymond na para bang hindi siya iniwan noon. And how can she stop herself from falling in love with him all over again?

"Miss, kung naniniwala ka sa love at first sight, then will you marry me?" Hindi napigilan ni Wynona na mapanganga sa tanong na iyon sa kanya ng isang guwapong estranghero nang minsang tumambay siya sa mall. Pero prank lang pala iyon para sa isang gag show. Akala pa naman ni Wynona ay natagpuan na siya ng kanyang "The One." Muli silang nagkita ng lalaking nag-"propose" sa kanya. Ito pala si Apollo, ang bago niyang boss. At ang unang trabaho niya ay samahan ito sa isang lugar na wala yata sa mapa ng Pilipinas at pinamamahayan yata ng mga baliw. Hindi akalain ni Wynona na bibilis ang tibok ng kanyang puso kapag nasa malapit si Apollo. Paano ba namang hindi, nang ma-trap sila nang ilang araw sa kung saan-saan ay nakita niyang lovable naman pala ang playboy na ito. At ang puso niya, hindi immune sa mga lalaking lovable. Akala ni Wynona, happy ending na dahil ang lalaking lovable, nangako ng forever at naniwala naman agad siya. Pero nang makabalik na sila sa Maynila, humingi si Apollo ng space para sa magsisimula pa lang sana nilang relasyon. Hindi naman ito astronaut, bakit nito kailangan ng space? Nasaan na ang pangako nitong forever? Nganga?

Gumuho ang mundo ni Cyrene nang mahuli niya ang boyfriend niyang may kaniig na babae sa kama nito. Sa sobrang sakit na naramdaman ay sa pagkain niya ibinunton iyon. Namalayan na lang niyang palobo nang palobo ang katawan niya. Bale-wala lang naman sana iyon sa kanya kung hindi lang siya tinawag ni Lanter na "mataba" at "manang." Palibhasa, ubod ito ng guwapo. Dahil doon ay tinangka niyang gayumahin ang matagal na niyang crush na pinsan nitong si Josh para ipamukha kay Lanter na magkaka-love life siya kahit mataba siya. Pero kung kailan hinihintay na niya ang resulta ng ginawa niyang panggagayuma kay Josh ay saka naman biglang bumait si Lanter sa kanya. Kung suyuin siya nito ay para siyang isang prinsesa. Diyata't dito umepekto ang gayuma? Parang gusto tuloy niyang uminom ng isang box na slimming tea.

"Hindi mo lang alam kung gaano ko katagal na hinintay ang tamang panahon para sabihin sa 'yo kung gaano kita kamahal." Basted si Patty kay Kurt kaya sa galit ay hindi niya ito kinausap nang ilang taon. Pero hindi maiiwasang makita niya ang lalaki dahil bukod sa magkapitbahay sila at magkaibigan ang kanilang mga magulang, best friend din niya si Zac, ang kakambal ni Kurt. Matitiis sana ni Patty na makita ang pagmumukha ni Kurt, kaso may isa pa itong atraso. Sa hindi niya malamang dahilan, sinabi nito sa lahat ng mga nagtatangkang manligaw sa kanya na may dala siyang sumpa. Lahat daw ng naging boyfriend niya, kung hindi naaksidente ay naholdap, o kaya ay minalas. Kaya nagalit siya kay Kurt. Hindi naman siya tinantanan ng paliwanag ng binata. Kasabay niyon ay sinuyo siya nang katakot-takot. Nagawang tunawin ng pagmamahal nito ang galit niya. Kurt proved to her that he deserved to be loved. Nagtaka siya. Binasted na siya nito dati, hindi ba? Nasagot naman ang lahat ng katanungan ni Patty nang malamang ang katuparan pala ng pag-iibigan nila ni Kurt ay kalungkutan ang dulot sa taong kapwa mahalaga sa kanilang mga puso...

Suki Dakara (I Love You, After All) By Bethany Sy published year 2016 PHR "Kapag hinalikan mo ako, para mo na rin akong inalisan ng karapatang umalis sa tabi mo." Hinanap ni Jean si Mr. Right sa halip na magmukmok sa isang sulok at indahin ang sakit na dulot ng paghihiwalay nila ng unang boyfriend. Nakilala ni Jean si Zac nang lakas-loob siyang makisakay sa kotse nito pagkatapos niyang mahuli ang kanyang boyfriend na nagtataksil. Ang buong akala ni Jean ay iyon na ang huling pagkikita nila. Pero naulit iyon nang iligtas siya ni Zac sa muntik nang pagkapahamak sa kamay ng lalaking nakasalubong niya sa labas ng isang bar. Natagpuan na lang ni Jean ang sarili na ipinapakilala si Zac sa kanyang mga magulang bilang boyfriend. Sumang-ayon ang binata sa pagpapanggap nila pero hindi niya akalain na mahuhulog ang loob niya rito. Pero may hadlang sa kanilang dalawa. Ang first love ni Zac na matagal nang inaalagaan ng pihikan nitong puso.

This book was published back in 2014. Happy reading ",)

Knight's Sweet Vow By Victoria Amor "Nawalan ng kakayahang magmahal ang puso ko mula nang mawala ka." Si Theo Knight ang kahulugan ng "ultimate crush" para kay Miliza, kaya lang ay best friend niya ito. Six years old pa lang siya ay kilala na siya nito. Lahat ng kapintasan niya ay memoryado nito at lagi nitong ipinapaalala sa kanya. Pero sa kabila ng lahat, si Theo ang pinakaespesyal na lalaki sa buhay niya dahil sa vow nito na lagi nitong tinutupad. Pagdating nila sa high school, nag-renew ito ng vow. Hindi raw siya nito ibibigay sa kahit na sinong lalaki lang. Pakakasalan daw siya nito kung kinakailangan para mahadlangan nito ang relasyon niya sa maling lalaki kung sakali. Hinagkan siya nito sa mga labi para i-seal ang vow nito. Binago ng halik na iyon ang pintig ng puso niya, subalit magkasunod na trahedya ang naglayo sa kanila. At sa muling pagkikita nila, ibang Theo na ang nakaharap niya. Gusto uli niyang lumapit dito ngunit base sa ikinikilos nito, mukhang hindi na siya nito kailangan pa. Paano na ang damdamin niya para dito na nanatili sa puso niya sa kabila ng pagkakalayo nila?

The Girl In A Vintage Dress By Chelsea Parker Lumipas man ang ilandaang taon, pagtatagpuin at pagtatagpuin ang dalawang tao na itinakda ng tadhana para sa isa't isa. Nagsimula ang lahat nang sumama si Ayu sa field trip ng klase nila. Para daw mas ramdam nila kung ano talaga ang ibig sabihin ng "history," imbes na sa museum ay sa isang lumang bahay na hitik ng throwback items sila dinala ng kanilang history teacher. Doon, isang lumang picture ng babae ang natagpuan ni Ayu. Pero nasira niya iyon. At sa takot na mapagalitan ng teacher nila, wala siyang choice kundi ibulsa ang litrato. Dahil doon, nagsimula na ang kalbaryo ni Ayu nang pumunta naman siya sa lumang bahay ng kanilang pamilya. Maya't maya na lang kasing may nagpapakita sa kanya na isang babae-in a vintage dress! But that was ten years ago. At ngayon, nagbalik si Ayu sa kanilang lumang bahay. Siguro naman, panis na ang multo. Pero nagkamali siya ng akala. Dahil nasa harap na niya ngayon-in flesh-ang babaeng noong una ay inakala niyang multo. Julia ang pangalan nito. At sa paglipas ng mga araw na nakasama niya ang babae ay minahal niya ito. At nakahanda siyang sundan si Julia sa taong 1896 sakaling bigla itong maglaho...

My Gossip Girl By Angeline Buena

My Darling Brat By Belle Feliz