ثمين وميامي كالمياه المالحه والمياه الحلوه يفصل بينهما برزخ جمعهم دم وفرقهم. الاباء من سيسقط في حب من ومن سيروض نفسه من اجل من طباع مختلفه .... وشخصيات عنيده وطيبه فراق وتعلق .... كبرياء بين طريق واحد او طريق لكل عاشق

قلبي لما لاتقنع وتهدأ عندما يأتي طيفها امام عيني لما تزداد دقاتك من يشعر بك فأنت تؤلمني لاأكثر وأنت ياعقلي لما لاتنسى ذكرها لماذا هذا التعاون بينك وبين قلبي لتأذوني لما لايوجد منكم ناصرا لي او ليس القلب مغلوب على أمره مابك انت وماهو وجعك اعرف هيا وجعك ووجعي .. أسمي شهم عمري ٢٦سنه تسلسلي الثاني في العائله قبلي اخي هشام وبعدي اخي رضا وعندي خوات اثنين رياحنه وزهراء والدي السيد كريم معروف كلش والكل تحترمه وتريد خاطره والدتي العلويه ام هشام هيه محبوبه بالنسبه المنطقتنه وتساعد النساء بكثير شغلات بيتنه مفتوح للكل مااتذكر يوم فتت والبيت مابي خطار عندي اربع عمام السيد حسن وسيد علي وسيد حيدر وسيد وسام والأخير هوه الي اختار الي الأسم كلهم متزوجين وأولادهم كبار الكل تتعرفون عليهم بالأحداث القادمه كلنه نسكن نفس الشارع وتقريبا الشارع كله النه عمام وخوال اخوه واخوات .

بابا مشتاقه الك معقوله اني السبب لأن حبيتك وتعلقت بيك لو اعرف هيج يصير جان ابتعدت عنك بابا محتاجتك اكثر انت عوضتني عن كلشي من يعوضني بعدك منو يفكر بيه انت تعرف بيه وحيده شلون تتركني منو الوصيته عليه مسره كل ماحنت لأبيها هكذا تكلم صورة والدها ..مسره مسره ..نعم احمد ..تعالي ليش وحدچ گاعده ليش مترحين يم البنات ..هنا ارتاح اكثر ..مسره ميصير الي تسوي بنفسج حاولي تنطين نفسج مجال احنه هم نحبج مو بس بابا يحبج ..اني هم احبك والله بس اعتقد بس انت الي تحبني محد غيرك بهالبيت رايد وجودي

قصه للكاتبه المتألقه روجمان