Patuloy na dumarami ang mga Amaranhig at walang patutunguhan ang karamihan. Kailangan humanap ng lugar na walang bakas ng dugo, kamatayan at paghihinagpis. Hindi titigil si Ronnie na mahanap ang kanyang asawang si Gel na napasama sa ibang grupo. Sa pagsubok na makahanap ng paraiso ay may makakaharap pa sa silang mas matinding unos. Nagsisimula pa lang ang lahat.

Mula sa mito ng mga taga-Kabisayaan naging katotohanan ito sa pagdating ng mga Amaranhig sa hindi malamang dahilan sa Maynila. Nagsimula ang lahat sa isang pamantasan hangga't kumalat sa buong bansa. Kuwento ito ng labanan ng katotohanan at pantasya, ng pakikipagsapalaran sa mundo na walang gobyerno, walang awtoridad, walang batas. Hindi lang ito istorya ng iisang tao ngunit pati ng buong sangkatauhang umiikot sa kalokohan at kamunduhan. Sundan ang kwentong walang ligtas kung hindi ang mga walang buhay.