A Moment With You By Juris Angela "Thank you for making my dream come true. I can fly even without a magic carpet. All I need is you." Jasmine lived like a princess. Sa yaman ng pamilya niya, kayang-kaya niyang makuha ang lahat ng naisin niya. Gayunman, nananatiling may hungkag na bahagi sa pagkatao niya-ipinagkakait sa kanya ng kanyang ama ang kalayaan na mamili ng lalaking mamahalin niya. Kung kani-kaninong anak ng kumpare nito siya inirereto. Sa tuwina ay kung ano-anong paraan ang ginagawa niya para lang matakasan ang mga inirereto sa kanya. Sa minsang pagtakas niya ay nalagay siya sa isang alanganing sitwasyon. Mabuti na lang at iniligtas siya ng isang guwapong estranghero-si Allen. Animo isa itong Prince Charming dahil sa angking kakisigan nito. Iyon nga lang, sa halip na pamunuan ang isang kaharian ay isang kakarag-karag na jeep ang pinatatakbo nito. Gayunman, hindi iyon naging hadlang para mahulog ang loob niya rito. At nang magkahiwalay sila ay nanatili itong laman ng puso at isip niya. Lumipas ang ilang taon. Isang bagong Allen ang bigla na lang nagpakita sa kanya. Ang dating jeepney driver, ngayon ay nagmamay-ari na ng isang malaking kompanya. He turned into a real Prince Charming now. Handa na sana siyang maging reyna ng kaharian nito kung hindi lang niya nalaman na huwad pala ang pagkatao nito...

No one had ever touched her that way before. "I want you, Angie." Tila ito mahihirinan. "And I want you, too." Muli nitong inilapat ang mga labi sa kanya, naging more passionate and demanding. Ngunit naglaho ang lahat nang narinig niya itong nagsalita. "What the hell..?" Bigla itong bumangon. "Get up, Angie, and go home!" Sandali siyang natulala bago dahan-dahang bumangon. Sa laking kahihiyan ay halos takbuhin niya ang daan patungo sa kanila. What a fool she had been!

"Go ahead, Vanessa, just go on with love. If it is yours, makukuha mo iyon. Kung hindi, be grateful that somehow, love captured your heart." Nakatakda nang ikasal si Jake sa best friend niyang si Marilyn nang makilala ni Vanessa ang lalaki. It was love at first sight, isang pag-ibig na kailangang manatiling lihim. Hindi niya inasahan ang minsa'y lapitan siya ni Marilyn at himuking siya ang pumalit sa puwesto nito bilang mapapangasawa ni Jake sa pamamagitan ng isang tusong balakin. It was a once-in-a-lifetime chance. At kung gagawin niya iyon, posibleng makuha niya ang pagtingin ng lalaki... Ngunit posible ring kamuhian siya nito habang-panahon...

"I'm in love with you from the start. And I'll be loving you 'till the end." Teaser: Razz has set her eyes on Marvin since high school. He was the campus most popular boy. Kulang na lamang ay tumalon ang puso niya palabas ng dibdib niya sa tuwing nginingitian siya nito. Pero parang mantilikilya na natunaw ang paghanga niya dito ng pahiyain siya nito sa mismong araw ng stage play nila. And she hated him, since that day. Pinangako niya sa sarili na iyon ang una't huling beses na magsasama sila sa isang proyekto. Iyon din ang araw na dineklara niya sa sarili na isa ng mortal na kaaway na ang turing niya dito. Sa paglipas ng panahon, dumating ang pagkakataon na kinailangan nilang muling magsama sa isang proyekto. Dahil kapwa sila mahilig sa bata, inatasan sila ng Barangay na maging bida sa isang pagtatanghal na para sa mga bata. Ang pagpayag niya sa proyektong iyon yata ang isa sa malaking pagkakamali niya. Dahil sa paglipas ng nga araw na kasama niya ito, hindi niya maiwasan na muling tumibok ang puso niya para dito. Handa na siyang ipaglaban ang pag-ibig niya para kay Marvin ng dumating sa kanya ang isang balita na muling dudurog sa puso niya. May iba nang minamahal ito.

"I fell in love with you yesterday, I fell for you more today. And I promise to fall in love with you for the rest of my life." Teaser: Walang habas na pumasok si Laiza sa loob ng Shop na pag-aari ng sikat na basketball player na si Wayne Castillo. Aalukin sana niya ito ng Insurance, ngunit, nabato siya ng bola ng isang customer doon. Sa pangalawang pagkakataon na nagkita sila, nagulantang ang buong mundo niya nang bigla siya nitong halikan sa labi sa harap ng ayon dito ay Mommy nito, at ng isa pang babae. At ang mas kinaiinis pa niya, sinabi pa nitong girlfriend siya nito at nagli-live in na sila. Nang itatanggi niya ang mga sinabi nito, muli siyang hinalikan nito. Nang tila ma-korner siya ng pagkakataon, napilitan siyang sakyan ang palabas nito. Sa pagdaan ng mga araw ng pagpapanggap niya, hindi niya namalayan na nahuhulog na ang loob niya dito. Unti-unti ay mas nakikilala niya ito. Ngunit dumating ang pagkakataon na kailangan na nilang tapusin ang palabas. Kasunod ng isang katotohanan na kailan man ay hindi siya minahal nito. Kung kailan hindi na alam ni Laiza, kung paano gigising sa umaga ng wala na ito sa buhay niya.

Noon pa man ay naiirita na si Kim kay Mark, ang kapitbahay at pinsan ng kaibigan niya. Sa tuwina na lang na may gusto siya ay palagi nitong kino-kontra. Ang mas kinaiinis pa niya dito ay parang hindi ito nagsasawa sa pang-aasar nito sa kanya. Hindi lang iyon, naiinis din siya dito dahil guwapo ito, mabait at sobrang maalalahanin. Mga ugali nitong kayhirap balewalain. Laking gulat niya ng isang beses ay lumapit ito sa kanya at nagsabing manliligaw. Noong una ay inakala niyang biro ito, ngunit kinagabihan ay personal na humarap ito sa kanya at sa mga magulang niya. At sa pagdaan ng mga araw, pinatunayan nito ang katapatan nito sa kanya. Hanggang sa unti-unti ay mahulog ang loob niya dito. Ngunit hindi niya inaasahan na may magbabalik mula sa nakaraan niya, si Robert. Ang kanyang first boyfriend. Ngunit sa pagbalik nito, ay siya naman biglang pag-iwas sa kanya ni Mark at tuluyang paglayo nito. Bakit ngayon pa? Kung kailan mahal na mahal na niya ito.

Bagaman tutol si Ria sa kagustuhan ng kanyang ama na ipakasal siya sa hindi pa niya nakikitang anak ng kaibigan nito, wala siyang magawa. Iyon lang kasi ang makakapagsalba sa nalulugi raw na negosyo nila. Wala naman siyang boyfriend kaya pumayag siya. Itinuring na lang niyang isang business deal ang lahat dahil parehong makabubuti sa mga pamilya nila ang pag-iisang-dibdib na iyon. Walang mawawala sa kanya kung papayag siya. Ngunit ilang linggo bago ang nakatakdang pagkikita nila ng mapapangasawa niya, bigla niyang napagtanto na may mawawala pala sa kanya. Dahil nakilala niya si Ulan at binagyo nito ang nananahimik niyang puso...

Ang balak lang ni Perdita ay ipakilala ang anak ng yumaong kaibigan niya sa ama nito para mabigyan ng magandang kinabukasan ang bata. Pero hindi ganoon ang nangyari. She ended up agreeing to marry Ronald, the child's father. Pumayag lang siya sa proposal para tulungan si Ronald na pagtakpan ang pagiging miyembro nito ng federasyon. Pero tinangay siya ni Robertito-ang kapatid ni Ronald. Kailangan kasi ng lalaki ng pera at ayaw aprubahan ang loan nito sa kompanyang pag-aari ng sariling pamilya. At wala itong balak na isauli siya kay Ronald hangga't hindi naaaprubahan ang loan! Sa lahat naman ng na-kidnap, si Perdita lang ang nagdasal na huwag sana siyang tubusin dahil nabighani agad ang puso niya sa kanyang abductor. At sa lahat naman ng mga kidnapper, si Robertito lang ang masama ang loob nang ibigay na rito ang ransom para sa kanya.

"Gusto kong maging asawa kita. Gusto kong maging akin ka. Dahil ayaw kong may ibang lalaking lalapit sa 'yo. Dahil mahal kita." Ilang linggo matapos pumayag ni Madelyn sa lihim na pagpapakasal nila ni Shenn ay bigla na lang nawala ang lalaki. Nang puntahan niya ang lalaki sa bahay nito ay nalaman niyang nagpakasal uli ito sa ibang babae. Napuno ng galit ang kanyang puso dahil sa nalaman. At dahil doon ay ipinangako niya sa sarili na kung muling magkukrus ang kanilang mga landas ay ituturing niya itong mortal na kaaway. Ngunit makalipas ang pitong taon, nang muling matikman ni Madelyn ang halik ni Shenn, ay nawalan siya ng kakayahang magalit dito. It was as if her anger was burned with his kiss. At napalitan iyon ng pananabik. Doon niya napatunayang mahal pa rin niya si Shenn, after all the pain he had caused her. And damn Shenn for making her love him again! -

"Handa akong gawin ang lahat, matutunan mo lang akong mahalin." Teenager pa lang si Charito, alam na niyang si Matthew ang gusto niyang mapangasawa. But Matthew had a fiancée. Kaya gumawa siya ng paraan para hindi matuloy ang kasal ng dalawa. Binayaran ng daddy niya ng tatlong milyong piso ang babaeng pakakasalan sana ni Matthew para lumayo. With his fiancée out of the way, Charito could now marry the man she loved. Sa gulat-at tuwa-ni Charito, pumayag si Matthew na pakasalan siya. Pagkatapos ng kasal nila, ang akala ni Charito ay iyon na ang simula ng masayang buhay nila ni Matthew bilang mag-asawa. Pero nagkamali siya. Simula lang pala iyon ng paghihirap niya. Matthew found out about what she did. Galit na galit ito sa kanilang mag-ama. Pinakasalan lang pala siya ni Matthew para tuluyang ilayo sa daddy niya. Gusto nitong iparamdam sa kanya na kahit kailan ay hindi siya nito magagawang mahalin at kung gaano siya kawalang-halaga para dito. Nagtagumpay nga ba siya?