جنت مستعده أبقى نأيمه للابد بس كون اصواتهم ما تطلع من رأسي بنص كل هذه الهوسه سديت عيوني حيل واني اسمع "اصوات اخوي و ابوي وهم يلعبون دومنه ويعلقون على الاخبار الي جاي يتابعوها واني جنت اساعد ماما بالمطبخ حتى نخلص العشه بسرعه ونكعد نلعب كلنه دومنه رغم اعرف اني راح اخسر وراح اتعارك ويه اخوي واتهمه بالغش لان هو الي دائما يفوز بس احب كعدتنه هاي هي الي تجبرني العب وياهم متجاهله خسارتي " حسيت بشخص يمسح على رأسي ويسألني اذا بيه شيء بس جنت رافضه اجاوب او افتح عيوني حتى جنت رافضه ارجع للواقع الي يكولي اني صرت يتيمه واعز ثلاث اشخاص على كلبي كلهم تركوني