القرآن الكريم هو الكتاب الرئيسي في الإسلام، يُعَظِّمُه المسلمون ويؤمنون بأنّه كلام الله المنزّل على نبيه محمد للبيان والإعجاز، المنقول عنه بالتواتر حيث يؤمن المسلمون أنه محفوظ في الصدور والسطور من كل مس أو تحريف، وهو المتعبد بتلاوته، وهو آخر الكتب السماوية بعد صحف إبراهيم والزبور والتوراة والإنجيل #لا يمسه إلا المطهرون♡ قال رسول الله صلى الله عليه وسلم " قل خيرًا أو اصمت " ❤ ملاحظة : انا أخذت من موقع موثوق لانشرها في الواتباد ربما البعض سيستفذ من هذه الفكرة وتنال أجرا منه فلا تهجر القرآن الكريم وشكرا ...

في احدي المدن وبالتحديد العاصمه (الخرطوم) وخصيصا في احدي الاحياء الراقيه جدا وبالذات في بيت كبير خالص حجما ومضمونا ... بيت عائله السيد عكرمه فؤاد قبل م احكي عن الجوا خلوني اوصف البيت بيت كبير وراقي لونو ابيض من بره وفيهو بعض السواد طبعا البشوفو بقول انو ببت رجل اعمال او كده من شده الحزم والجديه الفي مظهر البيت من بره بس... نجي لي جوه كدي بيت اقل م يقال عنه خرافي من بره مدخل ضيق كده وبعدين حديقه واسعه وحتي الصالون وغرفه المعيشه ومنها المطبخ والغرف وهو طبعا تلاته طوابق ... م اكتر عليكم واوصف اهل البيت نبدا بكبيرهم السيد عكرمه فؤاد زول من اسمو ظاهر عليهو الهيمنه والسلطان كان من اكبر رجال الاعمال خارج السودان وهو طبعا م سوداني بس متزوج مره سودانيه وجا عاش في السودان . بدا رحله كفاحو من بلدو الام الامارات ووصل السودان وعقد صقفه مع احدي الشركات ولحسن الحظ شاف مرتو هناك لأنها بت مدير الشركه واعجبو ببعض ومنها عرسو طوالي طيب نجي لي نجيبه زوجه عكرمه مررره راااقيه وقيافه خالص زوله الطيبه والحنان ظاهرين في وشها رغم الثروه العايشه فيها عكرمه ونجيبه اتزوجو وجابو تلاته اولاد وبت طبعا البت كانت اخر العنقود والصراحه دللوها دلال شديد وحتي اولادهم م قصرو في تربيتهم بس عكرمه كان عندو ميزه حلوه جدا انو ربى اولادو علي التواضع والمعاونه رغم العيشه السمحه العايشنها خلاهم يحسو بالمسئوليه تحسبا لأي ظرف اولادو اتقبلو منو النصيحه والتربيه دي بصدر رحب وجارت الايام وكبرو الاولاد والاشتغل اشتغل والبقرا بقرا وعدت السنين لمن اتزوجو الاربعه ماشاء الله اللي هم كانو ربي الصغيره وخالد الولد القبلها في يوم واحد لأنهم كانو اقرب اتنين لبعض اما معاويه وعمار كل واحد عرس براهو عدت السنين ودارت الاياااام وماشاء الله كل واحد جاب ذريته الصالحه عمار جاب حنين وحسام ومعاويه جاب مأب ورغد واميمه وعلي اما ربي جابت سامر وراكان وماهر وورده (طبعا ربي كانت متأثره بثقافه ابوها الثقافه الخليجيه فعشان كده سمت راكان علي صاحب راجلها لانو اتوفا قريب لي ولادتها وكان صاحب بكل معني الكلمه بالنسبه لاحمد زوجها بالإضافه لانهم عاشو فتره في دبي) واخيرا خالد جاب حذيفه وربي علي اختو ولبعدين ح نعرف لي ؟ السلام عليكم يا الاعزه اتمنى القصه تنال اعجابكم مع انها اول قصه لي بس تفاعلكم يالاخوه