Phr Book Imprint published in 2015

Meet Russell and Grace and see Hongkong! Marahil ay nakatakda si Grace na mag-isa kaya sa simula pa lang ay sinanay na siya ng tadhana upang mamuhay nang mag-isa. Karamihan sa mga taong minamahal niya ay iniiwan siya. Matagal nang ulila si Grace at ang kaisa-isang taong kumupkop sa kanyaang lolo niyaay hindi nagtagal at iniwan din siya. Ang mga lalaki namang nagdaan sa kanyang buhay ay bigla na lamang naglalaho. Sa kabila ng mga dinanas na pagkabigo, muling nakatagpo si Grace ng hindi inaasahang pag-ibig sa katauhan ni Russell nang lumipad siya patungong Hong Kong para sa kasal ng isang kaibigan. Si Russell ang nagbalik ng kulay sa kanyang mundo, ang lalaking nagparamdam na hindi siya nag-iisa o mag-iisa. Pero matatanggap kaya ni Russell ang lihim niya na mismong dahilan ng paglayo ng mga lalaking minahal niya?

My Lovely Bride book imprint Published in 2016 Unedited

"Sapat na ang lakas ko para sa ating dalawa. Malaki ang puso ko para magkasaya ka. Adjustable ang sizes ng lahat ng aspeto ng buhay ko kaya sure ako na you will always fit into my life." Kung noong unang panahon ang mga kontrabida sa isang pag-iibigan ay mga matatanda, madrasta, mangkukulam o buong angkan, sa pagmamahalan nilang dalawa ay kakaiba. Nang magsabog ng kamalasan sa mundo, nasapo nilang dalawa. Kaya naman kumunsulta sila sa isang psychic upang itanong kung ano ang dahilan ng kamalasan na nangyayari sa kanila tuwing sila ay magkasama. Malas daw sila. Hindi na raw sila dapat magkita dahil lagi lang silang masasaktan kung ipipilit nila. Paano na ang lovelife nila kung minamalas sila? May mangyayari pa bang swerte para sa kanilang dalawa?

Si Andrei lang yata ang kilala ni Mariel na isang certified playboy na certified one hundred percent virgin. Kakaiba talaga ang best friend niya. Isusuko lang daw nito ang sarili sa babaeng gusto nitong makasama habang-buhay. Isang araw ay ibinalita nito sa kanya na natagpuan na nito ang babaeng iyon. Hindi siya makapaniwala na walang iba iyon kundi siya. Pero paano kung saktan at iwan lang din siya nito? Sasabihin pa ba niya rito ang matagal na niyang sekreto? [Published by Precious Pages Corporation, under Precious Hearts Romances (PHR) imprint, August 25, 2010]

Aminado si Rose na hindi siya maganda o sexy. Utak lang ang mayroon siya pero himala ng mga himala, mahal na mahal siya ng kababatang si Ace na isa sa mga pinakasikat na estudyante sa Raleigh University. Naging pormal ang kanilang relasyon noong 18th birthday niya, kaya lalong dumami ang kanyang haters-may hate club siya na "We Hate Rose!" ang slogan. Galit na galit din sa kanya ang ina ni Ace. At siyempre, hindi mawawala ang mga negatibong komento na nakukuha niya dahil sa kanyang hindi normal na pamilya, lalo pa at gay couple ang dalawa niyang ama at wala siyang nakagisnang ina. Pero sa kabila ng lahat, kahit kinakalaban si Rose ng buong mundo, araw-araw ay ipinapadama sa kanya ni Ace kung gaano siya nito kamahal. Ipinaglalaban siya ng binata, kahit sa sarili pa nitong ina. Isa lang ang ipinapakiusap nito sa kanya-ang mangako siyang hindi bibitiw sa kanilang relasyon at hindi ito iiwan anuman ang mangyari. But a tragedy made Rose break her promise. Kinailangan niyang lumayo.

Kahit ilang beses na habol-habulin niya ito, walang problema sa kanya. What was important was that they were going to be together in the end. Louise hated Jaeden to the core. Ito lang naman kasi ang asshole na dumurog sa puso at pagtitiwala niya six years ago. Dahil sa pagkabigo at pait na naranasan niya rito ay nagtungo siya sa New York upang kalimutan na ang lahat ng nangyari sa pagitan nila. Nang magdesisyon siya na bumalik sa Pilipinas-she was already a successful pastry chef-ay taas-noong sinabi niya sa mga kaibigan niya na matagal na siyang naka-move on sa ex-boyfriend niya. And then she saw him again... Seeing him again made her realize something. She lied. Hindi pa pala siya totally naka-get over sa kanyang ex-boyfriend. Pero hindi niya aaminin iyon kahit kanino. Lalo na kay Jaeden. Ngunit nang muling suyuin siya nito ay tinanggap uli niya ito sa buhay niya. Ngunit mukhang nagkamali na naman siya ng desisyon dahil sa pangalawang pagkakataon ay sinaktan na naman siya nito... ***Author's note: The hero in this novel Jaeden Lagdameo was inspired by Kim Jaejoong , well in the alternate universe, for me, Jaeden and Jaejoong are the same person.Hehe. *** This is the raw and unedited version so pardon the typos and grammatical errors you may come across with. All Rights Reserved 2013

PUBLISHED: May 2011 Dalawa ang rason ni Marivic kaya pumayag siya sa pakulo ng kanyang ina na makipag-date siya kay Lance. Una, gusto niyang makuha ang pinakaaasam na bakanteng unit sa commercial building na pag-aari ng pamilya niya para sa itatayo niyang studio. Pangalawa, gusto niyang mapanatag ang kanyang ina na wala siyang balak sumunod sa yapak ng mga tiyuhin at tiyahin niya na pawang matatandang binata at dalaga. Si Lance naman ay pumayag sa kapritso ng kanyang ina alang-alang sa pinakamamahal nitong negosyo. At para masiguro na makukuha nila ang kanya-kanyang gusto, nagkasundo sila na magpanggap na nagkakamabutihan. Pulido at walang palpak ang drama nila. Pero sa malas, ang puso yata niya ang pumalpak. Sineryoso niyon masyado ang pagpapanggap nila ni Lance kaya ngayon ay nasa bingit ng panganib iyon dahil alam niyang hindi siya ang tipo ng babae ni Lance...

Andrei, The Sweet Punisher By: Gezille Teaser: "Parang gusto na kitang sakalin sa pagiging manhid mo." Hindi naging maganda ang unang pagtatagpo nina Gizelle at Andrei. Para kay Gizelle, si Andrei na ang pinakamasungit na nilalang na ginawa ng Diyos. Kaya nang muling magtagpo ang mga landas nila at malaman niyang ito pa pala ang boss niya sa kompanyang kanyang pinagtatrabahuhan, hindi niya naiwasang himatayin. Iyon na yata ang pinakapangit na joke ng tadhana sa kanya. Lalo na nang magsimulang umusbong ang paghanga sa puso niya para sa walang-kasinsungit na lalaki nang magsimula siyang magtrabaho rito. Ngayon, hindi niya alam kung saan siya dadalhin ng kanyang huwad na pagsintang-purorot sa lalaking habit na yata ang magalit sa mundo.

"You're a witch, and you bewitched me with your kisses." Unang kita pa lang ni Pfiper kay Rebbel ay nahulog na agad ang loob niya rito. Sinikap niyang mapansin siya nito, alisin ang lungkot nito nang malaman niyang iniwan pala ito ng babaeng mahal nito sa araw mismo ng kasal ng mga ito. Pero sa tingin niya, kahit ano ang gawin niya ay hindi siya mapapansin nito. Labis pa siyang nasaktan dahil sa pambabale-wala nito sa kanya. Ilang linggo ang lumipas ay muling nagkrus ang mga landas nila ni Rebbel. Ito ang bagong may-ari ng advertising company na pinagtatrabahuhan niya. Pero hindi na ito ang dating Rebbel na nakilala niya. Naging sweet na ito at tinatrato siya nang espesyal. Pero kung kailan tuluyan nang nahulog ang puso niya rito ay doon niya nalaman na naghihiganti lang pala ito sa pamilya ng pinagtatrabahuhan niya-at kasama siya sa plano nitong paghihiganti