May pagkakataon bang naisip mong pinapaikot lamang tayo ng mga nakikita natin sa telebisyon at internet? Maaaring isa lang palabas ang lahat. Isang palabas na nagpapaikot sa karamihan, isang palabas na nagmumula sa mga makapangyarihan. Si Katrina Sharmaine Garcia ay isang nars na hangad ang kaligayahan ng kaniyang kakambal na si Katana Sharlene na nagtatrabaho bilang isang model. Silang dalawa nalang ang magkasama sa buhay at pinangakong hinding-hindi sila maghihiwalay. Pero ang sabi nga nila, ang pagbabago ay hindi mapipigilan ng kahit sino mang tao. Sa kabila ng lahat ng mga balakid na kanilang mapagdadaanan, may mas titimbang pa kaya sa relasyon nilang magkapatid o ipaglalaban nila ito hanggang sa huli? Pagmamahal. Reputasyon. Pagkaulila.