"القصه تجري بين عائلتين كويتيه وسعوديه وبما اني كويتيه فاللهجه السعوديه لا شك بتكون فيها اغلاط , فأرجو من الأخوات السعوديات انهم يتحملوني " الرياض ,بأحد قاعات الزواج : معقوله هذي متزوجه اي ماشاء الله عليها ويقولون صار لها 6 سنين متزوجه باين انها صغيرة ,الظاهر زوجوها صغيرة فستانها الاحمر حلو مرة, بس مو كنه حق حمل لا ذي الموضه ,هالأيام كل الفساتين كذا عيونها عذاااااب ,كبيرة ورموشها طوال ولونها غريب ليه وش لون عيونها زرقه لا وين ذي خليجيه من وين لها عيون زرقه ,اظن انه عدسات لا والله زرقه انا قربت منها ودقتت من عينها شوفي بياضها ولا شعرها الغجري الأسود وطولها وجسمها حلو جميله ,ملكه جمال,غطت على البنات كلهم عاد من ذي ما عرفتوها يقولون انه اسمها مها بنت محمد أل.. كويتيه مهي بسعوديه جت من طرف العروس يقولون صديقتها

قصه حقيقيه رومانسيه كومديه .... يعني مشكل يالوز 😂💚

((( تمهيد ))) أشرت له بإضطراب: أنا مو كتلة مشاعر خداعة... أنت إلي ما تكف عن الإهانات والنظرة المزدرية وأساليبك القاسية... قال ببرود: هذا أنا... تشجعت وأشرت له بكل قوة: وهذي أنا إلي ما تتشرف بلمسة من حديد...وقلب من حجر... طلقني... لحظة صمت مرت علينا بعد هالكلمة... جمدت حركته وهو ينقل أنظاره من يدي لوجهي... وكلها ثانية وكان للقسوة والغضب نصيب من تعابير وجهه... مسكني من كتفي وهزني... وصر على أسنانه: إياني وإياك تذكرين هالكلمة وإلا... دفعت يده وأنسليت منها... وأنا أأشر له بعناد: طلقني... طلقني أنا ما أطيق لك وجود بحياتي.. . وكانت هالكلمة إلي عاندتها فيه هي إلي أشعلت غضبه... سحب شيلتي إلي كانت تتأرجح ورماها... وما حسيت إلا ويده تنسل خلف رقبتي... زاغت عيني رعب... هذا شكله ناوي يقتلني... شد على شعري من الخلف وقرب وجهي له وأنا أتوجع ... قال بهسيس الأفعى: والله ثم والله...ثم والله...وهاذاني حلفت بالثلاث...إذا فيوم جيتي تأشري لي بهالكلمة...لتشوفين النجوم فعز الظهر... .وبعدها شد على شعري حتى مال راسي لورا... وشدد على كلماته وهو يهمس: زواجي منك ما كانت رغبة فيك... وحطي فبالك إني داري عن