قصة: *- زوجي محنتي -* -تأليف: الهام الريفية شفتو تعطل فدوش داكشي لاش نضت صليت جوج ركعات راسي أو درت الدعاء و مشيت رجعت بلاصتي كالسة على طرف الفوطاي و كانتسناه كلي شوق و نفس الوقت مخلوعة ...شوية خرج ياسين كان لابس سروال ديال الكيطمة بوحدو ..او كينشف شعروا فازك شوية أو مخربق طايح علا عينيه.. جا كيوت وبريء *.* على عكس كيما كنت كنشوفو ديما عاقد حجبانو ههه سهيت فيه ...تا حصلني كما العادة حشمت منو معرفة فين ندير راسي مازال ما ولفت .... وليت كي مطيشة... شد فراسو او كلص على الفراش ( أنا مراقباه ) ...وناد شرب دوليبران...شوية دار عندي ودار فيا واحد الشوفات فشيشكل ... ياسين : شنو كتسناي نتي ، ماغتدوشيش ؟ شفت فيه وهزيت رأسي بالإيجاب ..عندو لحق ...هه واش غنعسو بريحة لعرق ..دخلت خويت عليا الما ولكن هاد المره باش جيت نلبس ..لبست شوميز قصيرة ديال النعاس حيت باينة أيكون كيتسناني...كانت فاضحة نوعاً ما هه عريانة من الصدر و الضهر وقصيرة من لتحت ..نشفت شعري مزيان وخليتو مطلوق ...درت عكر حمر وشوية ديال الفراجو ..وعطر مثير ... واخا كنت خايفة منو..لكن شوقي ليه كان غالب علا كولشي ... أوه أخيراً

غمضت عيني و بقيت كنستنا غير فوقاش يبوسني كنحس بيه كيقرب ليا و كنشم رائحة أنفاسه باسني في جبهتي بلطف نزل لنيفي عضو بشوية قبل ميحط فمو علا فمي بدأ كيلتاهم لساني ويعض شفتاي برغبة جارفة و انا عاجبني الحال خليتو يدير ما بغا بل تجاوبت معاه ، زاد تجرا عليا ، هبط لعنقي كيبوس ويمص فيه وفي نفس الوقت خدام كيتسارى بديه وكيمررها علا جسمي لي كان شاعل بحال كتلة لهيب وكيرجف من الرغبة....صونا تيليفونو وفقت من غفلتي دفعتو عليا وقفت مصدومة شحال وبديت نبكي .......كنبكي علا حالتي ، كنبكي علا ضعفي اتجاهو ، كيفاش قدرت نستسلم ليه بهاد البساطة انا لي معمر شي ولد المرأة حط يدو عليا ،انا لي كيتضرب بيا المثال في الشرف والأخلاق ،كيفاش قدرت بكل سهولة نستسلم ونتنازل عن مبادءي ولمن لهاد الحقير ........