#Lifegoals ang nangyari kay Hera pagkatapos niyang manalo sa isang raffle draw. Isang buwang adventure sa Malaysia, Singapore South Korea, San Francisco, USA ang nasungkit niya sa raffle. Sagot niyon ang hotel accommodation at ang pocket money niya. Pero may isang heavy baggage sa biyahe ni Hera, ang Spanish-Filipino tour guide niya na may deep-set blue eyes, adorable dimples, at sexy stubble beard: si Ymas. Mukhang Indio si Hera kapag itintabi rito. Vain, Iyon ang perfect description kay Ymas. Akala mo stepmother ito ni Snow White kung manalamin. Napag-alaman ni Hera na ka-share niya si Ymas sa lahat ng hotel accommodations nila. "Would it really kill you to sleep with me?" asik ng lalaki. "Oo! Madamot ako at ayaw ko ng sharing." Pero habang tumatagal na nakakasama niya si Ymas, nahuhuli ni Hera ang sariling mga mata na naglalakabay sa Spanish Adonis nitong katawan. Anak ng tipaklong! Nabubuo ang magnet atraction sa pagitan nilang dalawa. Hindi nagtagal, nabunyag ang sikreto sa pagkatao ni Ymas. At may anti-feminist agenda pala ito kay Hera.

Supermodel No. 4 Benjamin Salazar, ang "Papa Ben-tot" ng TMA

Kinailangan kong mamili sa pagitan ng isang luma at isang bagong pag-ibig. Sa pagitan ni Noel na siyang noon ko, na dapat ay noon ko pa kinalimutan, at ni Benjamin, ang ngayon ko, na minahal ako bilang ako. ~ The Girl From The Coffee Shop 2 Copyright 2016 © by sillycee First published online: April 16, 2012 (Tagalog Online Pocketbook) http://tagalogonlinepocketbook.com/read/stories-new/the-girl-from-the-coffee-shop-2/the-girl-from-the-coffee-shop-2-teaser

"Kanya na lahat ng gusto niya, dalawang kamay ko pang iaabot ang mga iyon. Pero kung pati ikaw ay kukunin niya, hindi ako papayag. Mamamatay muna ako bago ka niya makuha. Ikaw na lang ang mayroon ako." Zigmund was shocked nang malaman niya ang nilalaman ng testamento ng lolo niya. Ipinamana nito sa kanila ng kababata niyang si Nathalie ang mga pag-aari nito at makukuha nila ang mga iyon sa isang kondisyon: magpapakasal sila. He hated Nathalie instantly sa paniniwalang inuto nito ang lolo niya para iyon ang ilagay nito sa testamento. Pumayag siyang pakasal dito, but he promised to make her life miserable. Pero bakit ganoon? Bakit hindi niya magawang panindigan ang pananakit sa dalaga?

"Paano kung sabihin ko sa 'yong may nararamdaman pa rin ako para sa 'yo? Would that give me the right to kiss you?" Inabutan si Candice ng kamalasan sa daan habang pauwi sa kanilang probinsiya. At nang mga sandaling iyon ay wala siyang ibang malapitan kundi si Bree lang. Pero sa halip na tulungan siya ay tinukso siya ng lalaki tungkol sa kanilang nakaraan at hinamon na kung talagang wala na siyang nararamdaman para dito ay sasama siyang magbakasyon sa rest house ng pamilya nito. Sa kagustuhang ipamukha kay Bree na matagal na itong burado sa kanyang sistema ay kinagat niya ang hamon. Pero mukhang totoo nga ang kasabihan na first love never dies. Nang sa wakas ay nagdesisyon siyang bigyan ng second chance ang kanilang pagmamahalan ay saka naman natuklasan ni Candice ang totoong dahilan kung bakit ito nagbabakasyon. May tinatakasan si Bree!

"Papatulan ko lahat ng kabaliwan mo, just to make sure na hindi ka mawawala sa akin. I'd rather look stupid than to spend my whole life without you near me." Hindi inaasahan ni Heaven na tototohanin ng kanyang ama ang sinabi nito na ipinagkasundo siya nito kay Kurt Tan. Kapag hindi raw siya nagpakasal kay Kurt, kahit singkong duling ay wala siyang matatanggap na mana. Pero sadyang matigas ang ulo niya. Tumakas siya. Wala siyang alam na mapupuntahan maliban sa bahay ng kaibigan niya noong college. Kaya bitbit ang napakataas na pride niya ay nagtungo siya sa isang liblib na bayan sa Quezon para doon magtago. Doon niya nakilala si Christian Opeda. She fell in love with him. Masaya na sana siya sa bagong buhay niya pero noon naman siya natunton ng mga magulang niya. Kulang na lang ay magmakaawa siya para lang hayaan na siya ng mga ito. At halos mamatay siya nang malaman niyang ang nagturo ng kinaroroonan niya ay ang walanghiyang si Christian!

"Ang akala ko nabaliw na ako, pero nagkamali ako. Puso ko pala ang nabaliw sa 'yo." Nang mamatay ang ama ni Glecerie ay mayroon itong napakalaking ipinamana sa kanya-utang. Kaya bilang isang responsableng anak, iisang paraan lang ang naging solusyon niya-ang tumakas. Sa kanyang paglayo, nagtagpo ang mga landas nila ni Brad-isang modelong may tinatakbuhan din. Pinayagan siya ng lalaking sumama, pero kailangan niyang magsilbi rito bilang personal maid. Sa pagbubukas ni Brad ng pinto para sa kanya, hindi inaasahang pareho ring nagbukas ang kanilang mga puso para sa isa't isa. Paano tuluyang magtatagpo ang kanilang mga puso kung ang mga bagay na pareho nilang tinatakbuhan ay pumagitna sa kanilang dalawa?

(RAW/UNEDITED) released in digital form by Precious Hearts Romances Bilang isang matagumpay na accessory designer sa bansa, wala nang mahihiling pa ang isang tulad ni Anne Natalie kundi ang makawala sa mga alaala ng isang lumang pag-ibig. At ngayon kung kailan handa na siyang umibig muli ay tsaka magbibiro ang tadhana - muli silang pagtatagpuin ng kanyang nakaraan, si West. Pilitin man ang sarili, hindi matanggap ni Anne na may iba nang mahal ang dating kasintahan. Wala na dapat siyang pakialam rito pero sa tuwing tinititigan siya ng magaganda nitong mga mata at muling matikman ang matamis nitong mga halik ay bumabalik sa kanya ang lahat. Sa kanya lamang dapat ang mga titig at ang mga halik nito at hindi siya papayag na maangkin ito ng iba. Sa ngalan ng pag-ibig, gagawin niya ang lahat para makuhang muli ang pag-ibig ni West, kahit pa nga ang kapalit nito ay ang makasakit ng iba...

NOW AVAILABLE under Precious Hearts Romances Ang love story nina Paige at Glenn ay ang pangatlong libro ko (Tamara Cee) na inilathala ng PHR (Precious Heart Romances) sa tao'ng ito. Ito po ay bahagi lamang ng 'raw' manuscript at maaring may mga pagbabago sa maiiprenta'ng libro. Enjoy Reading! Sana po suportahan ninyo kapag lumabas na siya sa mga bookstores! Maraming salamat po!

Catch line: "Where do we go from here? Nasa nakaraan ka, nasa kasalukuyan ako... Ah! Basta, sa kasalukuyan lang ako nakahawak ngayon - dahil dito, abot-kamay kita." Teaser Nagkaroon si Nicka ng partial memory loss. Sa dinami-rami ng pwedeng mabura sa isip niya, ang dalawang taon pa na nakalipas sa buhay niya ang hindi niya matandaan. Tila isang fast forward ng buhay niya ang naganap. Nilapitan niya ang kasintahan niyang si Oscar para makapitan sana ito sa gitna ng mga nakakayanig na pangyayari sa buhay niya. To her dismay, hindi na ito ang dati niyang nobyo. He seemed so distant. He seemed so angry at her. Hindi kaya may nagawa siyang kasalanan dito sa loob ng dalawang taon na hindi niya maalala? Kailangang tuklasin niya ang dahilan ng matinding galit sa kanya ng lalaki. Kailangang gumawa siya ng paraan para maibalik ito sa piling niya...