Isang malaking pagkakamali ang nagawa ni Anrick ilang buwan bago ang kaniyang kasal. Humantong iyon sa tuluyang pagkansela ng kaniyang fiance sa naturang kasal. Left with no other option, hinanap ni Anrick ang nag-iisang babaeng makakaayos ng lahat ng gusot sa kaniyang buhay-si Rochelle. Nakipag-deal si Anrick kay Rochelle na gagawin ang lahat ng gusto nito kausapin lamang nito ang fiance. Subalit hindi naging madali ang lahat. Lalo pa nang mapatunayan nila sa isa't-isa na magkaibang-magkaiba sila at kailanman ay hindi magkakasundo. But as the saying goes, opposites attract. Nagising na lamang si Anrick isang araw na si Rochelle na pala ang laman ng kaniyang puso. Subalit paano kung biglang bumalik sa eksena ang kaniyang fiance? Magkaroon pa kaya ng happily ever after ang mismatch nilang mga puso?

"Lagi kong hinihiling na pansinin mo rin ako para masabi ko sa 'yo na pangarap kita noon pa." Yumi wanted to hate her parents dahil sa kagustuhan nitong ipakasal siya sa anak ng dating kapitbahay nilang si "Choy," short for "tabachoy." Hindi niya ma-imagine ang sarili niya na magiging asawa niya ang isang lumbalumbang binata dahil masasayang lang ang kagandahan niya. But things changed, dahil bigla na lang nagkagulo ang hormones niya nang magkita uli sila ni Choy na mas kilala na ngayong "Louie." He had changed a lot. Hindi lang ito guwapo kundi ubod pa ng macho. Naglaho ang mga dramang pinlano niya para huwag matuloy ang kasunduan ng mga magulang nila. All her heart wanted was to be with him.