رواية مغربية بقلم : ابتسام قراري الموت !، كايختلف تماما فاش كاتمشيليه برجليك ، أو فاش كايجي هو عندك ، الشخص لي كايمشي لعند لموت هو في الأصل ميت ، فاقد لإدراكو وأملو ، وما الإنسان إلا عين ترى المستقبل بكل أمل

بقلم : ابتسام قراري ضغط على حنجرتها بقوة خلاتها تتخبط فوق السرير كانت روعة كاتجبد أطرافها وكأنها باغيا تخلعهم .. فلا هي قادرا تبعدو عليها ولا هي قادرا تغوت ... تحقن فعينيها الدم أولا وجهها أحمر مزرق .. فقدت السيطرة على جسمها وترخات يديها على الشفرة الحادة لي كانت كاتحاول تفك بيها راسها... شعرت بالروح كاتغادر جسدها .. شعرت بأنها كاتغادر هاد العالم بمرة .. واش صافي هادي هي النهاية؟ .. واش هاد اللحظة هي نهاية كل كوابيسها !. كم هي عسيرة هذه اللحظة !!..