Siyam na taong gulang si Shane ng dumating ang isang malagim na pangyayari sa buhay nila ng kambal niyang si Jessa. Kasabay noon ay ang paghihiwalay ng landas nila. Makalipas ang labinlimang taon ay natuklasan nyang buhay pa ngunit comatose ang kanyang kakambal at nasa pangangalaga ito ni Drake Del Gueco. Gwapo, mayaman ngunit napaka sungit. Nakiusap ito na magpanggap siya bilang si Jessa para sa pagtuklas kung sino ang nagtangkang pumatay dito at sa pamilya nila. Sa umpisa palang ay hindi na sila magkasundo nito. Sa paglipas ng mga araw, ang inis at galit nya rito ay unti unti nang napapalitan ng kilig. Ngunit paano kung sa paggising ng kakambal nya ay malaman niyang ito pala ang tunay na itinitibok ng puso ni Drake? Nakikilala nga ba ng puso ang tunay na minamahal?