Alamat ng Sampaguita Kuwento ni Segundo D. Matias Jr. Guhit ni Dominic Agsaway Noong unang panahon, may magkapatid na parehong maganda at laging napagkakamalang magkakambal - sina Saling at Sampaga. Ngunit dahil sa isang misteryosang matanda, nag-iba ang takbo ng buhay ng bawat isa sa kanila. Samantalang si Sampaga ay laging nananalo bilang reyna ng kagandahan sa mga pagdiriwang at kinagigiliwan ng mga tao, si Saling ay inalipin ng matinding inggit at nagbalak agawin ang magandang kapalaran ng kanyang kapatid. Basahin sa modernong alamat na ito ang pinagmulan ng sampaguita, at kung paanong ang pagiging matulungin ay ginagantimpalaan ng mabangong samyo ng tagumpay samantalang ang pagiging mainggitin ay may katumbas na kaparusahan.

Noong unang panahon, may isang binata at isang dalagang tunay na nag-iibigan. Ngunit pinaghiwalay sila ng tadhana. Gabi-gabi, bawat isa sa kanila ay nagpupunta sa gilid ng burol na katapat ng isa pang burol, walang tigil sa pagluha. Ang mga butil ng luha, gumugulong sa mga dalisdis ng dalawang burol. Alamin sa makabagong alamat na ito kung paano ang mga butil ng luha ng dalawang taong labis na nagmamahalan ay bumukal bilang isang ilog.