Ito ay kasaysayan ng isang nars na lalaki at ng pamilya Fontanilla. Mahirap ang nars at ubod naman ng yaman ang pamilya Fontanilla. Sa isang sakuna ay namatay si Mr. Fontanilla at nakulong naman sa silyang may gulong ang kanyang maybahay. Dahilan kung bakit kinailangan ang serbisyo ng isang malakas na nars. Dito nagsimula ang lunggating itim ng lalaking nars. Kapanapanabik ang bawat tagpo, tiyak na magugustuhan ng sino man. Basahin!

Isang tapat na pag-iibigan ang namag-itan kay Matias at Maila. Pag-iibigang hinadlangan ng mga magulang ng dalaga. Gusto nilang makatapos muna sa pag-aaral ang anak. Walang tutol na sumunod ang magkasi sa kagustuhan ng mga magulang ni Maila. Nagkahiwalay sila, dahil sa Amerika nag-aral ang dalaga. Ang paglalayo nila ay hindi naging problema sa unang mga buwan, Ang pagsusulatan nila na walang palya ang dahilan. Nguni't ang ugnayang iyon ay biglang nawala sa di malamang dahilan. Ilang ulit na itinanong ni Maila kay Matias ang tungkol doon, pero wala siyang tinanggap na kasagutan. Sa sama ng loob, ay hindi siya umuwi hanggang sa makatapos. At isang araw ay nabalitaan niyang si Matias pala ay nag-asawa na, at ang naging asawa ay ang matalik niyang kaibigan. Masakit na karanasan. Ano ang dapat niyang gawin para makalimot? Tuklasin!

Tandang-tanda ko nang humahangos na dumating si Mareng Remy sa bahay. Humahagulgol siyang yumakap kay Dalisay. Sa umiiyak na pagsasalita ay nakuha niyang maipaliwanag, sa aming mag-asawa, ang nangyari. Hindi siya mapalagay, kung kaya't nagtungo siya sa Clark, dahil doon dinadala ang mga lumilikas sa Vietnam. Maaga siyang dumating. Sa isang malaking lugar naghihintay ang mga sumasalubong. Tinatawag doon ang pamilya ng nagsisidating. Noong dakong hapon ay tinawag ang pangalan ni Pareng Lando. Napatayo siya sa galak. Ang akala niya ay dumating ang kanyang asawa. Nguni't nang ulitin ang pagtawag, ay napag-alaman niyang tinawag pala si Pare, para salubungin ang pamilya niyang dumating.. Nagulumihanan siya. Ang galak na nadama niya ay napalitan ng pagtataka. Sinong pamilya ang sinabing dumating?

Mahilig magbasa at magkwento ng tungkol sa super hero si Kulas. Siya ang libangan ng mga istambay sa tindahan ni Tata Imo. Isang gabi, dahil sa pagod, ay mahimbing na nakatulog si Kulas. Nanaginip siya na may isang anghel na lumapit sa kanya at sinabing ibibigay sa kanya ang pangarap niyang liksi at lakas para malipol ang kriminalidad sa siyudad. Naniwala siya dahil suminag sa kanyang mga mata ang liwanag ng lente ng nagkukumpuni ng nasirang transformer sa poste, na tulad ng nasa kanyang pangarap. Dito nagsimula ang adventure ni Talbos Tubo.

Isa akong immortal, hindi tumatanda, hindi namamatay. Dahil dito, kailangang maging lagalag ako, hindi maaaring manatili sa iisang lugar, para maikubli ang aking katangian. Sa edad ko ngayon, marami na akong dinanas na kasawian sa buhay. Ang mga taong nag-aruga sa akin, ang naging kabiyak ko, mga kaibigang para ko ng kapatid, na nagsipanaw sa aking piling, ay tunay na nag-iwan ng sugat sa aking puso. Sugat na nananatili sa aking puso't isipan, hindi napapawi na tulad ng sugat na natamo sa pakikipaglaban. Ito ang isang bagay na kinasusuklaman ko. Ang dahilan kung bakit ibig ko ng wakasan ang aking buhay. Pero paano? Ang kamatayan ay isang bagay na hindi nagaganap sa isang immortal. Matagal ng laman ng aking isipan ang bagay na ito. Pero wala pang kasagutang nasusumpungan ako. ANO ANG DAPAT KONG GAWIN !!??

Ang kwentong ito ay may kinalaman sa pagpatay sa mataas na pinuno ng pamahalaan. Si Pepe, isang repair man ng lighter, na nag-imbento sa tinatawag niyang 'listening device' ang nakarinig ng tungkol sa assassination plot na iyon. Hindi naniwala si Nery, isang homeside police, hanggang sa mapatay si Pepe. Noon sinimulan ni Nery ang imbistigasyon, nguni't, tulad ni Pepe, ay hindi rin nagtagal ang kanyang buhay, binaril siya sa isang restaurant habang kausap ang body guard ng Senate President. Si Detective Liutenant Ramir de le Serna, hepe ng homeside, ang namahala sa masusing imbistigasyon.

May oras na itinakda sa kamatayan ng bawa't tao... Ano kaya..., kung ikaw ay mamatay sa isang aksidente at mabatid mo, mula sa itaas, na hindi mo pa oras? Ganyan ang nangyari kay Melchor dela Merced, pinabalik siya sa lupa, pero hindi na siya nakapasok sa sariling katawan dahil yaon ay naembalsamo na. Napilitan niyang gamitin ang katawan ni Victor Cruz, na namatay sa paglubog ng isang barko. ANG TANONG ! ! Ano ang gagawin ni Melchor, matapos matuklasang si Victor pala'y miyembro ng isang drug syndicate?

Maliit pa si Maila nang magkahiwalay ang kanyang mga magulang, kaya't mula noon ay si Mang Efren na ang tumayong ama at ina niya. Dahilan kung bakit nasabi ni Maila ang mga katagang "Si Tatay Ang Aking Ina".

Malungkot ang mukha ni Emil. "Nauunawaan ko ang ibig mong sabihin," wika niya, "pero sa kabila noon, ay naniniwala pa rin akong wala tayong karapatan upang hatulan at parusahan ang sino mang lumabag sa batas." "Emil," mahinahon nguni't matatag na wika ni Rodel, "ang karapatan ay nasa lahat ng tao. Karapatan nating lahat ang mabuhay. May karapatan ang bawa't isa na akayin ang buhay na iyon saan man niya gusto, kapag mayroong humadlang, ay may karapatan siyang ipaglaban iyon. Kung gusto kong mabuhay sa gitna ng isang lipunang mapayapa't tahimik, ay may karapatan akong linisin ang kasamaang namamahay doon. Hindi ba makatwiran iyon?" "Marahil nga." Ani Emil at lumapit sa binata. Itinungo nito ang kanyang ulo para ikubli sa binata ang luhang nangingilid sa kanyang mga mata. "Natatakot ako Rodel." Yumakap siya sa binata. "Natatakot akong baka kung saan magwakas ang iniisip mong iyan."

Sa kagustuhang maipagpatuloy ang pag-aaral, ay pumasok si Ann sa opisina ni Mayor Daniel Abaya. Hindi niya alam na, matapos ang ileksyon, ang gawaing pinasukan niya ay magtatapos din. Nakiusap siya sa Mayor na palawigin pa ang kanyang trabaho dahil sa kanyang pag-aaral. Tumawa ang Mayor at sinabing, "kung magagawa mong paligayahin ako ay...." Hindi natapos ang sasabihin ng alkalde dahil sinampal siya ni Ann. Bilang ganti ay sinuntok siya ng Mayor, at nang mawalan si Ann ng malay, ay ginahasa niya nito. 'Yon ang naging dahilan kung bakit namatay ang mga magulang ni Ann, kung bakit nabuo sa kanyang isipan ang paghihiganti.