"I fell in love with you yesterday, I fell for you more today. And I promise to fall in love with you for the rest of my life." Teaser: Walang habas na pumasok si Laiza sa loob ng Shop na pag-aari ng sikat na basketball player na si Wayne Castillo. Aalukin sana niya ito ng Insurance, ngunit, nabato siya ng bola ng isang customer doon. Sa pangalawang pagkakataon na nagkita sila, nagulantang ang buong mundo niya nang bigla siya nitong halikan sa labi sa harap ng ayon dito ay Mommy nito, at ng isa pang babae. At ang mas kinaiinis pa niya, sinabi pa nitong girlfriend siya nito at nagli-live in na sila. Nang itatanggi niya ang mga sinabi nito, muli siyang hinalikan nito. Nang tila ma-korner siya ng pagkakataon, napilitan siyang sakyan ang palabas nito. Sa pagdaan ng mga araw ng pagpapanggap niya, hindi niya namalayan na nahuhulog na ang loob niya dito. Unti-unti ay mas nakikilala niya ito. Ngunit dumating ang pagkakataon na kailangan na nilang tapusin ang palabas. Kasunod ng isang katotohanan na kailan man ay hindi siya minahal nito. Kung kailan hindi na alam ni Laiza, kung paano gigising sa umaga ng wala na ito sa buhay niya.

It's amazing how make my heart beat faster. And it's also amazing how I fall in love with a beautiful stranger at first sight. Teaser: Pagkatapos mawala sa katinuan ng kapatid ni Nicole ng dahil sa pag-ibig. Pinangako niya sa sarili na hinding hindi siya iibig, hindi niya hahayaan na umiyak ng dahil sa lalaki. Kasabay ng pangako niyang iyon, ay ang pagkamuhi niya sa mga lalaking nanloko at naging dahilan sa pagkabaliw ng Ate niya. Ngunit nakilala niya si Glenn Pederico, ang guwapong negosyante at Doctor. Pinakita agad nito ang interes nito kanya, pilit niya itong iniwasan at tinaboy palayo dito. But fate always brought them together. Hanggang sa natutunan niyang tanggapin ito sa buhay niya. And then, she woke up one morning falling deeply in love with him. Okay na sana ang lahat, ngunit isang masakit na katotohanan ang bumulaga sa kanilang dalawa. Hindi niya matanggap na isa pala si Glenn sa mga nanloko sa kapatid niya noon. At ang pinakamasakit sa lahat, bakit hindi niya kayang kamuhian ito?

"The moment I felt my heart is beating crazy while I looked at you that day. Alam ko, ikaw na ang gusto kong makasama habang buhay." TEASER: Lumaki si Andie na namulat na malaki ang galit ng kanyang Lolo Julio sa mga Hapon. Sabi ng Mama niya, iyon daw ay dahil sa pagsakop ng Japan sa Pilipinas noon unang panahon, at ang Lolo daw niya ay muntik ng mapatay dahil sa mga ito, bukod doon ay isa sa mga biktima ng giyera na ikinamatay ang mga magulang nito. Kaya naman banned doon sa bahay nila ang kahit anong may kinalaman sa Japan. Pagkain, palabas sa TV, kanta at kung anu-ano pa. Bilang big fan ng anime at ng mismong bansa na iyon, struggle kay Andie kung paano itatago sa Lolo niya ang mga binibili niyang anime figures at manga. Kapag nahuli kasi siya ay tiyak na uulanin siya ng sermon, or worst, baka sunugin nito ang mga koleksiyon niya. Pero tila nilalapit siya ng tadhana sa bansang Japan, matapos siyang magkaroon ng pagkakataon na makapunta doon. Hindi nagdalawang isip si Andie na tanggapin ang oportunidad na iyon, kapalit ng pagsisinungaling niya sa kanyang Lolo. Doon ay nakilala niya ng personal si Reiji Yamada. Kay Reiji siya bumibili ng mga original anime figures, at tanging sa online chat or video call lang sila nagkakausap. Sa panantili niya doon, nagkaroon si Andie ng pagkakataon na makilala ng mabuti si Reiji. Mas lalo silang naging close ng makasama niya ito sa pagto-tour sa Japan. Sa paglalim ng pagkakaibigan nila, hindi napigilan ni Andie na lumalim din maging ang kanyang pagtingin sa binata, she falls in love with him. Pero sa umpisa pa lang ay wala na yata siyang pag-asa matapos sabihin ni Reiji na may gusto itong isang babae. Kaya naman pinili ni Andie na iwasan ang binata at pigilan ang nararamdam kahit na mahirap. Few days later before she goes back to the Philippines. Isang pangyayari sa nakaraan ni Reiji ang nalaman ni Andie na nagdugtong sa kanilang dalawa.

Sa pagbabalik ni Cassy ng Pilipinas ay hindi niya inaasahang madurugtungan ang nakaraan nila ni Leo. Ang pagkakaligtas nito sa kanya sa tatlong lalaking humarang sa kanya sa gitna ng dilim ang naging daan upang maging madalas ang pagsasama nila. At sa mga sandaling kaharap at kausap niya ito, muling nabuhay ang pag-ibig niya rito na inakala niyang matagal nang naglaho sa puso niya. Ang nakakalungkot lang ay tila sarado na ang puso nito. Ibang-iba na rin ito sa dating Leo na kilala at hinangaan niya. Wala na ang mga ngiti nito, sa halip ay lagi itong seryoso. Nalaman niyang nakakulong pa rin pala ito sa isang pangyayari sa nakaraan na nagpatigas sa dating mapagmahal na puso nito. Ngunit ipinangako ni Cassy sa kanyang sarili na ibabalik niya ang dating Leo. Gagawin niya ang lahat, maiahon lamang niya ito sa madilim nitong nakaraan. Kahit pa masaktan siya nang ilanga beses at kahit alam niya kung gaan ito kahirap mahalin.

"Kung sa mata ng buong Pilipinas, anak ako ng Presidente. Sa mga mata mo, gusto kong makita mo ako. Bilang isang simpleng lalaki na nagmamahal sa'yo." Teaser: Jhanine is a simple girl living a simple life. Kuntento na siya sa kung ano man ang ipinagkakaloob sa kanya ng Diyos. Kung meron siyang nirereklamo sa buhay niya, iyon ay ang pang-aasar sa kanya ni Prince Daryl Rivera. Ang kababata niya at anak ng Senador. Ang simpleng pamumuhay niya ay biglang nagbago ng masangkot sila ni Daryl sa isang eskandalo at malathala ang mukha nila sa diyaryo ng magkalapat ang mga labi. Kaya nang magkita sila, sinalubong niya ito ng isang suntok. Ngunit ganoon na lang ang pagtataka niya ng sa mismong harap niya at ng mga kasamahan niya sa trabaho, ay sinabi nito na in love daw ito sa kanya. At sa pagdaan ng mga araw na nagkakasama sila. Hindi na yata napigilan ni Jhanine ang sarili na mahalin ang lalaking dati'y mortal niyang kaaway. Isa lang ang tanging gumugulo sa isip niya, kayanin kaya niya na harapin ang klase ng mundo na ginagalawan nito? O mas nanaisin na lang niyang talikuran ito at bumalik sa simpleng buhay na nakasanayan niya?

TEASER: Nang dahil matinding pangangailangan sa pera. Napilitan si Sumi na balikan ang isang gawain na matagal na niyang tinalikuran at pinangako na hindi na muling babalikan pa. At ang naging target niya, ay ang guwapo at mayaman na si Miguel Dustine Despuig. Okay na sana ang lahat ng mabuking nito ang modus operandi niya. Saka niya napag-alaman na isa pala itong pulis. Ngunit sa halip na hulihin siya nito at ikulong. Isang parusa ang ginawad sa kanya nito. Ang maging kasambahay at tumira sa piling nito. At sa pagtagal ng mga araw na nagsasama sila sa iisang bubong. Unti-unti ay nahuhulog ang loob niya dito. Hanggang sa magising siya isang umaga, na mahal ang lalaking nagmistulang anghel na pinadala sa kanya ng Diyos. Okay na sana ang lahat sa buhay niya, dahil sa pagmamahal na inuukol din sa kanya ni Miguel. Pero dumating ang isang pangyayari na siyang nagdulot ng panganib sa kanyang buhay. Handa na ba siyang iwan si Miguel, at sumuong sa kamatayan?

A Moment With You By Juris Angela "Thank you for making my dream come true. I can fly even without a magic carpet. All I need is you." Jasmine lived like a princess. Sa yaman ng pamilya niya, kayang-kaya niyang makuha ang lahat ng naisin niya. Gayunman, nananatiling may hungkag na bahagi sa pagkatao niya-ipinagkakait sa kanya ng kanyang ama ang kalayaan na mamili ng lalaking mamahalin niya. Kung kani-kaninong anak ng kumpare nito siya inirereto. Sa tuwina ay kung ano-anong paraan ang ginagawa niya para lang matakasan ang mga inirereto sa kanya. Sa minsang pagtakas niya ay nalagay siya sa isang alanganing sitwasyon. Mabuti na lang at iniligtas siya ng isang guwapong estranghero-si Allen. Animo isa itong Prince Charming dahil sa angking kakisigan nito. Iyon nga lang, sa halip na pamunuan ang isang kaharian ay isang kakarag-karag na jeep ang pinatatakbo nito. Gayunman, hindi iyon naging hadlang para mahulog ang loob niya rito. At nang magkahiwalay sila ay nanatili itong laman ng puso at isip niya. Lumipas ang ilang taon. Isang bagong Allen ang bigla na lang nagpakita sa kanya. Ang dating jeepney driver, ngayon ay nagmamay-ari na ng isang malaking kompanya. He turned into a real Prince Charming now. Handa na sana siyang maging reyna ng kaharian nito kung hindi lang niya nalaman na huwad pala ang pagkatao nito...

Angelie was a writer. Was, past-tense. Marami na siyang naisulat na libro. Stories about love which captured every person's heart who read her books. Ngunit ang inspirasiyon na nagbibigay sa kanya ng dahilan para magsulat ay biglang binawi ng langit. She decided to turn her back on writing when her fiancé died. Isang dahilan para tuluyan na niyang kalimutan kung paano ngumiti at kung paano magmahal. Makalipas ang limang taon. Hindi akalain ni Angelie na babalik siya sa pagsusulat, ngunit sa pagkakataon na iyon, bilang isang songwriter. Her fiancé was an aspiring composer. Pangarap nito na sumikat ang kanta na ginawa nito. Ngunit dahil wala na ito, nagdesisyon ang dalaga na siya ang tutupad sa pangarap ng namatay na nobyo. There, she met Jay Lim. Ang leader ng sikat na grupong Seven Degrees. Sa unang pagkikita pa lang nila ay hindi na maganda ang impresiyon niya dito. Ngunit sa hindi inaasahan pagkakataon, si Jay ang napili ng PhilKor Entertainment na kumanta ng song entry niya. Sa mga araw, linggo at buwan na magkasama silang dalawa. Jay found his way through her heart. Until she realized one morning that she's falling deeply in love with Jay. Pakiramdam ni Angelie ay nagtaksil siya sa nasirang nobyo dahil sa pangako niya na ito ang huling lalaking mamahalin niya. Pinigilan niya ang damdamin ngunit sa huli ay hindi siya nagwagi. Kasabay ng pag-amin niya na mahal na niya si Jay, isang katotohanan ang sumabog sa harapan niya. Dahilan upang nagdesisyon itong iwan siya.

"I've been in love with you the moment that I met you. At kung itatanong mo sa akin kung paano kahit minahal. Hindi kita masasagot dahil hindi ko rin maipaliwanag. Basta gumising ako isang umaga na ikaw ang tinitibok ng puso ko..." Teaser: Hindi napigilan ni Madi ang sarili nang mag-krus muli ang landas nila ng taong naging dahilan kung bakit nawalan siya ng trabaho. Si Chef Rio Vanni Cruz. Kaya sa sobrang inis ay bigla niya itong sinuntok sa harap ng maraming tao. Nangako din siya sa kanyang sarili na gaganti dito. Kaya nag-apply siya sa restaurant na pag-aari nito para maisakatuparan ang plano niya. Ngunit nakalimutan niyang bigla ang planong pagganti nang unti-unti'y makilala niya ang tunay na Vanni. At hindi rin napigilan ang puso na ibigin ito. Pero mukhang may hahadlang pa yata sa bonggang pagmamahal niya para sa binata.

Nang dahil sa naudlot na kasal ni Allie ay mas pinili niyang lumayo. Sa tulong ng matalik niyang kaibigan ay natagpuan niya ang katahimikang hinahanap niya at unti-unti ay nakalimutan niya ang masaklap na kapalaran sa buhay pag-ibig. Pero ginulo na naman ang isip niya ng isang misteryosong lalaki sa kanyang panaginip. Mabuti na lamang at may nakilala siyang bagong kaibigan -- si Darrel James Luciano. Tuwing napapanaginipan niya ang lalaking iyon na tuwina ay hindi niya nakikita ang mukha ay inaaliw siya ni Darrel at inaalis nito ang inis niya. Sa muling pagbangon niya ay nakaalalay ito sa kanya. Kaya sa paglipas ng mga araw na nakakasama niya ito ay hindi napigilan ni Allie ang puso na mahalin ito. Masayang-masaya siya nang magpahayag ito ng pag-ibig sa kanya. Ngunit agad din pala iyong mapuputol dahil sa pagbabalik ng isang taong ayaw na niyang makita at pagsulpot ng lalaki sa kanyang panaginip.