May manipis na linya sa pagitan ng unconditional love at katangahan. Sa loob ng dalawang taong pagiging assistant ni Charlene kay Art Mendez, isang sikat na film director, buo ang paniwala niya na unconditional love ang nagtutulak sa kanya na gawin ang lahat para sa binata. Mula sa pagre-resign sa dati niyang trabaho para maging assistant ni Art, hanggang sa pagiging punong abala sa preparasyon ng kasal nito. Bale-wala sa kanya kahit sa tingin ng iba, pagpapakatanga ang ginagawa niya. Hanggang isang aksidente ang naging dahilan para hindi matuloy ang kasal ni Art. lyon din ang naging dahilan kaya nagkalapit si Charlene at ang binata. Ipinangako niya na hindi ito iiwan hanggang sa maka-recover. Unti-unti ay nakita niya ang recovery ni Art. Unti-unti rin ay naging higit pa sa dati ang relasyon nila. When he kissed her, she felt like her feelings would finally be reciprocated. Nagkaroon siya ng pag-asa. Na agad ding gumuho dahil bumalik ang babaeng tunay na mahal ni Art.

Na kay Randall Qasim na ang lahat - A sole heir of a billion-dollar Oil Empire, with good looks that all women crave for, and every material things that money can buy. Pero sa loob ay kasing lamig at walang buhay ng isang mannequin si Randall, kumikilos at nag-iisip ayon sa kagustuhan ng kanyang mga magulang. Until he met Alaina - his personal chef's daughter. Iba si Alaina sa lahat ng nakilala na niya sa buong buhay niya. She was sunshine personified. Kapag tinitingnan siya nito ay hindi money sign ang nakikita nito kung hindi ang tunay niyang pagkatao. Alaina made Randall human. Pero napakaraming pagsubok ang pilit silang pinaghihiwalay. They were both teenagers then. At kahit anong pagrerebelde ang gawin ni Randall ay hindi niya nagawang protektahan si Alaina. Isang araw, matapos ang isang matinding trahedya, biglang nawala sa buhay niya si Alaina. Ginugol ni Randall ang sumunod na mga taon sa paghahanap sa dalaga. Pero nang sa wakas ay matagpuan na niya ito ay isang rebelasyon ang naging dahilan kaya nasaktan siya nang husto. Hindi siya naaalala ni Alaina.

Jella gave up everything to become a successful fashion designer in New York. Malapit na niyang maabot ang tagumpay nang isang eskandalo ang sumira sa kanyang career. Wala siyang choice kundi ang bumalik sa Pilipinas, kahit nangangahulugang kailangan niyang harapin ang mga tinalikuran noon para sa kanyang ambisyon. Kasama na si Derek Manalili, ang lalaking minahal ni Jella pero sinaktan at iniwan. Hindi na umaasa si Jella na madurugtungan pa ang naging relasyon nila ni Derek. Kaya nagulat siya nang makita ang lalaki sa kanyang homecoming party. Hinarap siya nito na parang walang nangyaring hindi maganda. Suddenly, he came back into her life. Nanatili si Derek sa tabi niya at ipinaalala ang mga bagay na nakalimutan na niya sa loob ng anim na taon. He made her fall in love with him again. Pero kung may hadlang sa relasyon nila noon, lalo na ngayon. Galit na kay Jella ang pamilya ni Derek. May ibang babae na gusto ang mga ito para sa binata. At kahit inaalok na siya ni Derek ng kasal, hindi pa siya handang mag-asawa. Pero kapag umalis uli siya, siguradong wala na siyang babalikan pa

Kuntento sa tahimik na buhay si Cenon Sizperez. Tanggap na rin niyang mananatili siyang mag-isa hanggang sa huling sandali ng kanyang buhay. Pero sa madaling araw ng bagong taon, nakilala niya si Wilma Sarza. From the moment he saw her, he knew she was dangerous. Hindi lang ito masyadong maganda at masyadong bata para sa kaniya, ninakawan pa siya nito ng halik bago sila naghiwalay. Kaya nang magkita uli sina Cenon at Wilma ilang buwan ang nakalilipas, desidido siyang iwasan ito kahit pa attracted silang pareho sa isa't isa. Pero sa huli, hindi rin nila napigilan ang nararamdaman. Iyon ay kahit puro problema, disapproval, panghuhusga, tsismis at kung anu-ano pa ang kinaharap nila. Hanggang isang araw, nalaman nilang konektado pala sila ng isang trahedya na nangyari sa nakaraan. Koneksiyon na mukhang makakasira sa kanilang nagsisimula pa lang na pagmamahalan.

"In my whole life, your smile is the most beautiful thing I've ever seen." In the real estate business, Benedict is considered as the wolf. When he wants a property, he will stop at nothing until he gets it. At sa kasalukuyan, isang private land sa bayan ng Rizal ang gusto niyang maangkin. Pero ibebenta lang daw iyon sa kanya ng matandang may-ari sa isang kondisyon-kailangan niyang pakasalan ang apo nito. Worst, kailangan pa niyang suyuin ang dalaga. That land is the only hurdle for the completion of Benedict's dream project. Kaya kahit hindi niya type at parang masyadong uncivilized si Lyn Fajardo, pumayag siya sa kondisyon. Pinaibig ni Benedict ang dalaga at nagpakasal sila. Pero sa bawat araw na magkasama sila, tumitindi ang guilt sa kanyang dibdib. Lyn turns out to be an amazing woman and he is starting to hate himself for tricking her. Inaasahan na niyang magagalit ito pagkatapos malaman ang totoo. Ang ikinagulat ni Benedict ay ang sakit na nararamdaman nang mawala ang pagmamahal na palagi niyang nakikita sa mga mata ni Lyn. He realizes that in the short time of being married to her, he has fallen in love with his wife. But now it's too late. Ayaw na ni Lyn sa kanya note: this book is already published and available in bookstores (and ebookstores) please if you want to (and if you can) support yours truly i hope you can grab a copy. thank you! :)

Lingid sa kaalaman ng lahat, nagsimula ang pagkahilig ni Yu sa drums at sa musika noong bata pa siya nang makilala niya si Matt na napadpad sa bayan nila. He was the one who introduced rock music to her. Ito ang nagturo sa kanya kung paano tumugtog. Sa loob ng isang linggong nakasama niya ito ay nabago ang buhay niya. It was also the first time she learned how it feels to fall in love with someone. Ngunit kinailangan nitong umalis at ang tanging naiwan nito sa kanya ay isang lumang discman at pangalan nito. Sa paglipas ng panahon ang paghahanap dito ang naging motivation ni Yu para maging matagumpay na musikera. Ngunit kahit labinlimang taon na ang lumipas at sumikat na sila ay hindi niya nakita si Matt. Nang magpasya siyang sumukoay saka naman muling nagkrus ang mga landas nila. Again she strongly felt a mutual attraction from that moment. Ang akala niya magagaya na siya sa mga kaibigan niya na masaya sa piling ng mga mahal ng mga ito. Pero may isang sekreto pala si Matt na hindi nito sinabi sa kanya. Sekretong dumurog sa puso niya

Nasusuong sa malaking problema si Lettie. Biglang sumulpot ang kaniyang ama na matagal na panahong nagtago dahil sa halos milyong utang na iniwan nito sa kanila dahil sa pagkalulong nito sa bisyo. At bumalik ito upang sabihing may paraan na itong naisip upang mawala ang mga utang nila - iyon ay ang pakasalan niya ang apo ng matalik na kaibigan ng nasira niyang lola na si Damon Valencia. Labag man sa kalooban niya ay wala siyang napagpilian kung hindi ang pumayag. Ngunit unang beses pa lamang nilang pagkikita ni Damon ay hindi na kaagad maganda ang impresyon niya rito. Tingin niya ay mahihirapan siyang pakisamahan ito. Ngunit nang makasama na niya ito ay narealize niya na hindi naman pala masamang mapangasawa ito. Hanggang sa tuluyan ng mahulog ang loob niya rito. Iyon nga lang alam niyang delikado ang puso niya rito. Dahil kahit nagsasama na sila ay isa pa rin itong estranghero na maraming lihim sa pagkatao. At isa sa mga iyon ang dudurog sa puso niya. PS: this story was originally published March 2012 under Precious Hearts Romances. Ang i-po-post ko dito ay ang unedited version. :) PPS: thank you Abby (@ohCheeseball) for the cover. :)

Nagulat si Trick nang pagkatapos ng isang buwang pagkawala ng kanyang ama mula nang lamunin ito ng dagat, bigla itong sumulpot. Ang lalong nakapagpabigla sa kanya, may kasama ang papa niya na babaeng mas bata sa kanya nang ilang taon. Anika looked innocently beautiful. Pero may nakita pa si Trick sa kislap ng mga mata ng dalaga-she was in love with his father! Hindi makakapayag si Trick na sirain ng babaeng tagaisla ang relasyon ng kanyang mga magulang. Gagawin niya ang lahat para mailayo si Anika sa papa niya. Kahit pa dumating sa puntong paiibigin niya ang isang babaeng malayong-malayo sa iisipin ng marami na tipo niyang babae...

Matagal nang magkakilala sina Apolinario Monies at Sheila Ignacio pero hindi sila magkaibigan. 'Katunayan, palagi silang nagbabangayan tuwing nagkikita. But at the night of Sheila's best friend's wedding, they had a truce. Nakapag-usap sila tungkol sa maraming bagay nang hindi nag-aaway. They got too comfortable and too reckless that they ended up sleeping together. It was supposed to be a one-time thing. Pero hindi na nawala ang physical attraction at kakaibang connection nina Sheila at Apolinario. Ang problema, wala silang romantic feelings sa isa't isa. Gumawa sila ng kasunduan-isang no-strings-attached physical relationship hanggang sa parehong mawala sa sistema nila ang isa't isa. Ang hindi inaasahan ni Sheila ay tatagal nang maraming buwan ang "arrangement" nila. Namalayan na lang niya, in love na siya kay Apolinario. But the arrangement had to end. Kailangan na kasing magpakasal ni Apolinario sa ibang babae-isang pangako sa namatay na ina, na kailangang matupad kahit pa ang kapalit ay ang sariling kaligayahan. Si Sheila naman, kahit in love na sa binata ay mas komportable sa isang casual relationship. Para kasi sa kanya, ang commitment, lalo na ang kasal ay parang isang preso na mahirap labasan. But one day, Sheila got into a car accident that almost killed her. Naging wake-up call iyon para sa kanila ni Apolinario. Nakahanda na ba siyang makulong sa isang relasyon? At si Apolinario, nakahanda rin bang talikuran ang pangako sa ina?

Napadpad si Belle at ang mga kapatid sa San Bartolome nang tumakas sila mula sa mga taong naloko nila sa Maynila. Gusto na niyang magbago sila pero na-curious ang mga ate niya sa sekreto ng malaking bahay sa isang bahagi ng bayang iyon. Nautusan siya ng mga itong pasukin at alamin kung totoo ang mga sabi-sabing kumakalat sa bayan tungkol sa lalaking nakatira doon. Isang galit na lalaki ang sumalubong sa kanya roon dahil nahuli siya nitong pumipitas ng rosas sa hardin nito. Para hindi siya ipapulis ni Kieran-ang lalaking may-ari ng bahay- kinailangan niyang manatili sa bahay nito biglang tagalinis. Habang naroon siya unti-unti niya itong nakilala. Nalaman din niya ang katotohanan kung bakit palagi itong galit at ayaw makisalamuha sa ibang tao. Sa kabila ng mga kapintasan at madilim na nakaraan nito, na in love pa rin si Belle kay Kieran. Kaso alam niyang walang kahahantungan iyon. Kapag nalaman ng binata kung ano ang tunay na intensiyon niya sa paglapit dito at kung ano ang tunay niyang pagkatao... huwag na siyang umasa sa isang happy ending