Si Kael ay isang Grim Reaper na ang pangarap ay magkaroon ng kasintahan at sabay silang mabubuhay muli bilang tao. Ngunit dahil pinagpala siya ng kidlat, lahat ng humahawak sa kanya at hinahawakan niya ay nakukuryente. Kaya nga hindi siya makahanap ng kasintahan. Hanggang sa makilala niya si Vihyen, isang baguhang Grim Reaper na, sa hindi malamang dahilan, ay nakaya siyang hawakan. Si Vihyen na ba ang magiging daan upang matupad ang pangarap ni Kael, o magiging dahilan upang tuluyan na niyang kalimutan ang pag-ibig?

Some souls are lost. Some are waiting to be found. And some are meant to meet in Veil. Paano kung dumating ang araw na maramdaman mong wala ka nang silbi? Wala nang pangarap... Wala nang kasama... Wala nang dahilan para magpatuloy... Ano nang gagawin mo? Ganoon ang naramdaman ni Benj Castro--Isang dalagang nangangarap maging singer, ngunit sa kabila ng lahat ng pagsisikap ay palaging bigo. At lalo siyang nasasaktan kapag nakikita niya si Jensen Edwards-isang sikat na singer na nakukuha ang lahat ng bagay na gusto niya. Hanggang sa isang araw, tuluyan nang sumuko si Benj. Sa pagmulat niya ng mga mata, nasa ibang lugar na siya. Sa Veil. Isang misteryosong mundo ng mga espiritu kung saan napupunta ang mga taong nagtangkang wakasan ang kanilang buhay. At ang hindi niya inaasahan? Nandoon din si Jensen Edwards. Ang lalaking kanyang kinaiinggitan. Ang lalaking akala niya ay nasa tuktok ng tagumpay. Hindi niya inasahan na may sarili rin pala itong hamon sa buhay. Sa Veil, bibigyan sila ng pagkakataong pumili. Mananatili ba sila roon at tuluyang iiwan ang mundo ng mga buhay? O muli nilang haharapin ang mundong minsan na nilang tinalikuran? Pagsisisihan ni Benj ang kanyang ginawa, ngunit ang tanging paraan para makabalik siya ay ang kumbinsihin si Jensen na piliin ding mabuhay muli. Paano kung umayaw ito? Mabubuhay pa ba uli si Benj?