Sa mundong hindi mo kilala... Sa mga nilalang na ngayon mo lamang nakita... At sa mga kakaibang kakayahang hindi mo inakalang may nagtataglay... Kakayanin mo kayang manatiling buhay? Makagagawa ka ba ng paraan upang matakasan ang mundong iyong kinasadlakan? Si Calistin ay hindi katulad ng ibang normal na tao. Siya ay ipinanganak na may mga kakaibang balat at natatanging kondisyon sa mata na kung tawagin ay heterochromia iridum. Ngunit, iba man ang kanyang itsura ay pinilit niyang mamuhay ng normal kasama ang kanyang ina sa kabila ng mga mapanukso at mapang-husgang kaisipan ng mga tao. Subalit sa isang iglap, magbabago ang kanyang nakasanayang pamumuhay. Mapapadpad siya sa isang lugar na hindi kabilang sa mapa ng mundo. Dito, matutuklasan niya ang mga bagay, lugar at nilalang na ni sa panaginip ay hindi niya inakalang mayroon. Sino nga ba si Calistin? At ano ang kanyang magiging papel sa mundo na kung tawagin ay Archimeria.

Isang misyon, isang hindi inaasahang pagtatagpo at isang pagkamamali na magiging dahilan ng pagbabago ng plano. Paano maitutuwid ang isang pagkakamali kung tatakpan ito ng panibago pang pagkakamali? Namulat si Nightmare sa mundo ng digmaan at paghihiganti para sa katarunangan ng kaniyang mga magulang na walang-awang pinatay noong siya ay bata pa. Kasama niyang lumaki si Leon na siyang apo ng kanilang Commander at itinuturing niyang kapatid. Ngunit paano kung dahil sa isang misyon ay magbago ang takbo ng plano at maging ang kanilang mga kapalaran? Si Audrey ay isang reporter na puno ng prinsipyo sa buhay. Isang dalaga na may angking sikretong tinatago sa kaniyang pagkatao na hindi niya maaaring sabihin kahit kanino. Nang dahil sa isang pagkakamali ni Nightmare ay nagbago ang takbo ng buhay ni Audrey. Paano pa maitutuwid ang pagkakamali ng isang kidnapper na nahulog na sa bitag ng pag-ibig? Book Cover by: @WattpadBetaTeam Date Written: November 26, 2014 Date Finished: December 07, 2018