من وحي الخيال انسج لكم قصة فتاة تهرب من ايدي المجرمين لتقع في يد رجل يمقت جنس حواء

ضلمه محسيت اله ادين تسحبين وتدفعني ع الحايط اني هنا نرعبت ،رفعت رأسي واشف الي اسمه قيصر بين اديه وضهري ع الحايط مكدر اتحرك اني واصله لنص صدره مدنگ عليه وانفاس تضرب وجهي تنفست عطره حسيت برجفة ضلوعي صح أحب أمجد وكلبي مستحيل يحب غيره بس حسيت بشعور غريب بداخلي من مجرد قربه لهل قيصر ابد محاسه بهذا الشعور قبل

گعدت واني مدنگه ما اعرف شبيه عبالك اول مره أشوفه لو أگعُد مقابيله و أكُل ، حاولت أتجاهل وجوده ، بس وين واني أحسن نبضات گلبي يدُگن بإذاني ، داحس عيونه عليه تراقبني ، اريد اكذب إحساسي ، رفعت راسي ، وطلع إحساسي ميكذب ، شفت عيونه عليه ، تمنيتكم تشوفون عيونه شلون بيهن ندم واعتذار وحزن تمنيت احضنه وابوس عيونه و أگله والله مزعلنه عليك ، بس لا تخليني أشوف هذا الحزن بعيونك ، عيوني انملت دمع و اني بعدني ما منزله عيوني منه ، شلون ويه عيوني الراح تفضحني ، دنگت راسي بس هلعبره الخنگتني شلون بيها ،