Kung may pagpipilian lang si Yssa, hindi siya uuwi sa Sto. Cristo. Kahit na nga ba kasal iyon ng stepsister niyang si Diane. Iyon nga ang mabigat na dahilan. Diane was going to marry Jonathan, her ex... er, sa mas eksaktong salita, he was her former fiancé. Mike, her best friend wanted her to go. Dahil hindi daw puwedeng walasiya sa okasyon iyon na dapat at present ang buong pamilya. Kung hindi lang awkward ang sitwasyon, natural gusto din niyang daluhan ang ganoong okasyon. Nag-suggest ito na samahan siya sa pag-uwi at magpanggap silang engaged. He even gave her an engagement ring as proof of their so-called relationship. What a moral support coming from a man best friend! Ngayon nga ay maya't maya ang tingin niya sa suot na singsing. Bagay sa daliri niya ang napakagandang singsing na iyon na hindi rin maikakaila ang kalidad. Kaya lang, may panghihinayang din siyang nararamdaman sa tuwing maiisip niyang pagkukunwari lang ang lahat.

He still has the power to make her heart skip a bit. College pa lang ay gusto na ni Zeke si Akane Mishima, ang weird pero napaka-gandang transferee sa Unibersidad nila. Kaya naman laking tuwa niya nang maging malapit sila sa isa't-isa. Lalong umusbong ang nararamdaman niya para sa dalaga nang makilala niya ang ugali nito. At pakiramdam niya ay pareho lang naman sila ng nararamdaman base sa mga ikinikilos nito kapag magkasama sila. Pero naglaho ang lahat ng ilusyon niya nang makita niya itong kayakap ang kaibigan niyang si Kiel. At lalong sumidhi ang sakit na nararamdaman niya nang malaman niyang magkasamang umalis ng bansa ang mga ito. Maayos na siya. Nakapag-move on na siya. Iyon ang itinatak niya sa kukote niya sa loob ng pitong taon. Inabala niya ang sarili niya sa negosyo niya at sa pangangarera. Hanggang sa isang araw, habang itinataboy niya ang isa sa mga babaeng nagpapasakit ng ulo niya, nakita niya itong naglalakad palapit sa kanila. Hindi na siya nag-isip at bigla na lang niya itong hinalikan sa labi. Boom! Sa isang iglap, nakapasok na naman ito sa nananahimik na buhay niya. At doon niya na-realize na hindi nagbago ang nararamdaman niya para dito! Eh ano ngayon kung may Kiel na sa buhay nito? Babawiin niya ito, by hook or by crook!

Phr Book Imprint Published In 2007 "Galit ako sa pagkakataon dahil pinagtagpo uli tayo kung kailan may mahal na akong iba at hindi mo na gusto na magmahal pa ng iba." "May hihilingin sana akong favor sa iyo," sabi kay Oliver ng girlfriend niya. "Maging sperm donor ka ng friend ko." Natural na hindi siya papayag. Pero ginamitan siya nito ng emotional blackmail. Kaya napalitan din siyang pumayag. Laking gulat ni Oliver nang makilala ang kaibigan na sinasabi ng girlfriend niya. Si Mavi pala iyon. Ang close friend niya noon na naging secret love niya sa loob ng matagal na panahon. Si Mavi ang babaeng hibang na hibang noon sa kanyang best buddy kaya nawalan siya ng lakas ng loob na pagtapatan ng lihim niyang pag-ibig. Fate was testing him, really. Dahil bakit ngayon pa kung kailan naka-recover na siya rito?

Phr Imprint Published in 2006 ENGAGED na si Ayanna nang una silang magkita ni Kiel. Ikinatakot niya ang inisyal na attraction dito dahil ikakasal na siya. Kinonsola na lang niya ang sarili na mawawala rin ang nararamdaman niya para kay Kiel. Halos nakasisiguro na hindi na sila magkikita. Kaya lang, nang sumunod na taon ay dinala siya uli ng mga paa sa lugar kung saan sila unang nag-meet ni Kiel. Nadatnan niya na naghihintay ito roon. Lalong tumindi ang atraksiyon na nararamdaman nila para sa isa't isa. Ang kaso, ilang araw na lang at ikakasal na si Ayanna sa kanyang fiancé. Kailangan niyang pumili. Ang security sa piling ng nobyo niya nang apat na taon, o ang intense attraction para sa isang lalaki na kahit kilala sa pangalan ay estranghero pa rin sa kanya? Pinili ni Ayanna ang inaakala niyang tama. At dahil doon, secretly, nagdurusa ngayon ang kalooban niya sa bawat taon na magkikita sila ni Kiel sa lugar na iyon. Saan lulugar sa kasalukuyang mundo ang pag-ibig na nararamdaman nila para sa isa't isa?

Phr Imprint Published in 2007

Phr Book Imprint Published In 2008 "I have loved you ages ago. Nalagas na sa kalendaryo ang edad ko pero ikaw pa rin ang babaeng gusto kong pakasalan." Madaling na-fall si Rovinia sa tipong artista na si Eldric. Inakala niya na isa itong knight in shining armor, pero isa lang pala itong demonyo na nakakubli sa malaanghel na mukha. Hindi makakalimutan ni Rovinia ang kasamaang ginawa ni Eldric sa kanya. Nasira ang tiwala niya sa lahat ng lalaki dahil dito. Dumating sa buhay niya si Viper. Mas guwapo, mabait kahit may taglay na kakulitan minsan. Sa kabuuan, lahat yata ng magagandang adjectives ay maibibigay niya rito. Kaya natuto siyang magtiwala muli sa mga kalahi ni Adan. Kumbinsido si Rovinia na nahanap na niya ang tamang lalaki. Pero mas demonyo pa pala si Viper kaysa kay Eldric. Bigo na naman ba siya?

Phr Book Imprint Published In 2007 "I love you, Yessa... No power or force or event in this lifetime can take that away. I know I'd die loving you." Parehong minahal ni Yessa ang anonymous caller niya na nagpakilalang "Riel" at si Sev na family friend nila. Tahasang sinasabi ni Riel na mahal siya. Si Sev naman, parang ipinararamdam lang na mahal siya. Hindi nga lang siya sigurado. Marami na kasing naging girlfriends ito. Nasabi na rin nitong minsan na uhugin pa siya. Hanggang sa utusan siya ng kanyang maimpluwensiyang lolo na paibigin si Sev at pakasalan ito. Hindi sana iyon problema. Confident si Yessa na mapapaibig niya si Riel kung hindi pa nga siya mahal nito. Pero na-realized kaagad na hindi niya kayang isantabi si Reil. At lalong hindi niya kayang kalimutan si Sev. Anong gagawin niya? Hindi naman siya puwedeng magpakasal sa dalawang lalaki.

Phr Book Imprint Published In 2008 "Countless nights I've been dreaming of kissing you... But a thousand dreams can never fill my longing for a real one." Unang kita pa lang ni Winona kay Kestrel ay crush na niya ito. Bukod sa nagpaka-hero ito sa pagtulong sa kanya, inakala pa niya na ito ang hinahangaan niyang bida sa mga community projects sa lugar nila. Pero bago pa lumala ang feelings ni Winona rito ay nakilala niya si Tim, ang tunay na hero na matagal na niyang gustong makita. Niligawan siya ni Tim. Madali nitong naagaw ang naudlot na feelings niya para kay Kestrel. By twist of fate, muli silang nagkita ni Kestrel. Hindi na ito astang hero. Masungit na ito at suplado. Pero crush pa rin niya ito. Hindi na ito maalis sa isip niya. Parang fly trap ito na kumapit nang husto sa sistema niya. Naguguluhan si Winona dahil kahit mahal pa rin niya si Tim ay gusto na niya si Kestrel. At isa lang ang kailangan niyang piliin sa dalawa.

Phr Imprint Published In 2007 "Mahirap aminin sa sarili na wala akong kapag-a-pag-asa sa 'yo kaya kailangan kong magpapansin." Preschoolers pa lang sila kontrapelo na ni Charisse si Nathan. Idol nito si Dennis The Menace at lahat yata ng kapilyuhan ay inangkin na nito. Kaya nang magsilaki na sila at digahan siya ng kababata, madalas niya itong soplahin. "Alam ko na pa-deny-deny ka lang," confident na deklara ni Nathan, "pero ang totoo, matagal nang ako ang secret love mo. Ako naman, you've always been the object of my affection mula pa noon." "Affection? Object of your mischief is more like it," kontra naman niya. In-enumerate niya ang mga kalokohang ginawa nito sa kanya. "Kaya kahit kailan, kahit magunaw pa ang mundo, hindi mangyayari ang ilusyon mong magkakagusto ako sa iyo." Pero minsan unfair talaga ang buhay. Nagkaroon pa si Nathan ng pagkakataon na gawin sa kanya ang greatest mischief na magagawa nito nang siya ay magka-amnesia--pinaniwala siya nito na mag-asawa sila.

Phr Book Imprint Published In 2007 "When you came along... I could feel I Was given another chance to discover happiness again... And I won't pass up on that chance." Nalukot ang noo ni Matthew nang sabihin ni Lirio na hindi na siya puwedeng bumalik sa bahay nila pagkatapos na mabundol siya nito. Somehow, nakuha naman agad ni Matthew ang gusto niyang mangyari. Pero ipinaintindi nito sa kanya na hindi siya pinabayaan kahit in the first place siya ang may kasalanan kung bakit nabundol siya nito. Guwapo lang talaga ang lalaki pero para itong taong-robot. Malamig. Bato. Nakiusap pa rin si Lirio na magpakupkop dito--desisyon na kapit sa patalim. Dahil pupulutin siya sa lansangan, o bapalik sa tao na gustong humalay sa kanya kapag hindi siya tinulungan ni Matthew. Na-realize niya bandang huli, dapat pala hindi na lang siya nagpilit. Dahil sasaktan lang pala siya ni Matthew.