قصه حقيقيه 💯 أرواحنا ك الزجاج إذا وقع "أنكسر وتحطم" ف كيف بينا إذا وقعنا؟ وكيف بأرواحنا عند تحطمها إلى قطع قطع! ؛ ندگ الباب وجهي تهچم گمت على حيلي وفتحته بقوه صرخت بي بأعلى صوتي" شكووووووووو؟ خيررررررررر ومنين يچي الخيررررررر" تراجع ليوره مصدوم من أسلوبي وسع عيونه وگف ساكن ماتحرگ أسمعه وهو يبلع ريگه بصدمه!! حچه بهدوء وخوف _أچيت أشوفچ بس.... _قاطعته ورگعت الباب بوجها وگعدت وره أناشگ مثل الطفل؛ "اطلع من حياتي ما اريدك ولا أريد أحد غيرك أني اكتفيت روحي تحطمت بسببكم منين اچيب الدوه إلي يعالچ أنكساري وتحطمي منين؟" حچه بصوت مخنوگ وهو واگف وره الباب _بس لو أعرف ليش تكرهيني ؟ وأني أخاف عليچ من الهوه؟! شلون احطم روحچ عزيزه گلبي انتِ!!