حينما يحاسبنا على الذنب أهل الذنب أنفسهم! قد كان يطمح في حياة هادئة، شاب اقتحم الحياة وفتح ذراعيه لها فلم يجد نفسه إلا شريد لا يعرف أين الطريق و أصبح لا يردد سوى: تائه، حائر، سئمت... بأي ذنب أنا قُتِلت؟ أما هي فكانت ترضى بالقليل، أمنيتها الوحيدة أن يصبح صدره مسكنها في كل الليالي ولكن لم تملك ثمنها بل حُمِلت أوزارا فوق أوزارها لتصبح بلا حبيب والذنب ذنبها فانطلق فؤادها شاكيا: يا ليت مُلكك يا ملك كان مِلك شخص غيرك. وفي النهاية كُتِب علينا الشقاء نحن وأنتم متابعي حكايتنا ولا مفر سوى المواجهة.

جميع حقوق الملكية تخص الكاتبة المبدعه //ريهام حلمي

حازم : ممكن اعرف انتِ بتروحى المعادى تقريباً كل يوم ليه ؟ رهف : المعادى !! (واتلفت لـ حازم) حضرتك بتراقبنى بقي ؟ حازم (بيقعد على كرسي) : كويس انك ملفتيش ودورتى وانكرتي وانا برضه مش هلف ولا هدور ، ايوة براقبك رهف(بتقعد قصاده) : ليه ؟ حازم : عشان بخاف عليكي ، بموت من الرعب عشانك ، بنتى ومن حقى اخاف خصوصاً بعد اللى حصلنا رهف : لدرجة انك تراقبني ؟ حازم : انا مراقبتكيش ، انا بس لاحظت تأخرك الكتير وكمان شوفتك فى المعادى بالصدفة ، هتقوليلي بقي بصراحة بتروحى هناك وتفضلى قاعدة فى عربيتك شوية ليه ؟ رهف : بصراحة يا بابا ومن غير لف ودوران انا معجبه بشخص ساكن وبيشتغل فى المعادى بس مفيش اى صدفه جمعتنا فبشوفه من بعيد بس كده حازم : وشوفتيه او تعرفيه منين ؟