قصه حلوه ومنقوله (مااعرف اسم لكاتب) اتمنى ان تنال اعجابكم طلب احد الاصدقاء

ضيعني بغرامك كون ماملك .. ضيعني واجيك .. وكون من تصير شعره بهندس اندلك.. وخليني احٓسبْ احساب لغيابك.. عودني بزعلتي وياك انسه عيوني يم بابك.. مدري شبيه لو مريت اتخردل.. من ادگن بابكم كل ساع مو بطران.. بس ابيتكم اندل.. جا هي الحياه طعميش لو ناسيك ليش تحير..؟ حليها يمن وياك حتى الكهوه حلوه تصير

القثه تتحدث عن اكبر شيوخ عشائر العراق ساكن بلعماره وصاحب سمعه وصيت وكلامه ينطبق ع الكل بدوون نقااش وعن فتاه من طبقه ثريه من اربيل ويجتمعان عن طريق فصل العشاير نشر بارت يوميه في العاشره مساء

جنت مستعده أبقى نأيمه للابد بس كون اصواتهم ما تطلع من رأسي بنص كل هذه الهوسه سديت عيوني حيل واني اسمع "اصوات اخوي و ابوي وهم يلعبون دومنه ويعلقون على الاخبار الي جاي يتابعوها واني جنت اساعد ماما بالمطبخ حتى نخلص العشه بسرعه ونكعد نلعب كلنه دومنه رغم اعرف اني راح اخسر وراح اتعارك ويه اخوي واتهمه بالغش لان هو الي دائما يفوز بس احب كعدتنه هاي هي الي تجبرني العب وياهم متجاهله خسارتي " حسيت بشخص يمسح على رأسي ويسألني اذا بيه شيء بس جنت رافضه اجاوب او افتح عيوني حتى جنت رافضه ارجع للواقع الي يكولي اني صرت يتيمه واعز ثلاث اشخاص على كلبي كلهم تركوني