[PUBLISHED UNDER PSICOM] Wala nang mahihiling pa sa buhay si Seph. May disenteng trabaho sa isang sikat na ospital, may masaya at kompletong pamilya, at higit sa lahat ay may nobyong doktor. Ngunit magbabago ang lahat sa pagkatuklas niya sa pangangaliwa ng kanyang kasintahan. Sa pag-aakalang maiibsan ng alak ang sakit na nararamdaman, isang gabi ay maiisipan niyang magpakalango sa alak sa isang bahay-inuman. Sa isang gabi ng panandaliang pagtakas sa problema, magigising siyang katabi ang lalaking may asul na mga mata sa iisang kama. At dahil likas na mapaglaro ang kapalaran, matutuklasan niya na ang lalaking iyon ay isa sa kanyang mga pasyente sa ospital na pinapasukan. Sa unti-unting pagkabunyag ng lahat ukol sa pasyenteng nakasalo niya sa iisang gabi, mabubunyag din kay Seph ang katotohanan ukol sa kanyang tunay na sarili. Ano nga ba ang mga lihim na nakatago sa likod ng malamig na alak at mainit na gabi? Highest Rank Achieved : #1 in General Fiction Jan 20 2019 ______________________________ Started: June 12, 2018 Ended: October 29, 2018 Revised: 2021