Həqiqəti tapmaq üçün elm, əlimizdə olan ən gözəl şeydir

Gənc yazarlar, diqqət! Bunları məktəbdə öyrətmirlər... Yazmaq bir sənətdir , yazmaq yeni dil öyrənmək kimidir. Hər bir yazar bunu hərflərindən başlayaraq öyrənməlidir. Bu yolda sizlərə kiçik də olsa kömək edə biləcəyimi umuram. Qeyd: Burada toplanan yazıların sadəcə bir hissəsi öz fikirlərimdir. Məlumatların çoxu müxtəlif saytlardan götürülmüş, tərcümə edilmişdir. Saytların adlarını qeyd edə bilmədiyim üçün üzrlü sayın. Xoş mütaliələr.

İçinizdəki musiqini hiss edin, dinləyin, rəqs edin onunla və itirməməyə çalışın. Cover by @adlijoz 3.06.2017 / themoonandsky

Beyinin dərinliklərinə səyahət etdiyinizi düşünün. Orda tapacağınız hər şey hamımıza aiddir. Bu bizim hekayəmizdi. Hər birimizin.

...Planetin səthinə addımın atdıqda Neon gözlərinin qarşısına sərilmiş mənzərədən təsirlənərək nəfəsini tutdu. İlk fikir veridyi əlbəttə ki, güllər idi: gün batımını əks etdirən güllər. E-4 planetinin alçaq təpəli relyefində tək-tük halda səpələnmiş, yaşıl uzun otlar arasından hündürə boylanan güllərin bəziləri utancaq-utancaq boynunu bükmüş, bəziləri isə qürurla başını dik tutaraq planetin qəribə səmasına baxırdı. Neon da güllərlə birgə başını qaldıraraq E-4 planetinin səmasına nəzər saldı; sanki burada günəş təzəcə batmışdı, üfüq qeyri-adi güllərin çəhrayı-narıncı rəngini alaraq qaralmaqda olan səmaya əsrarəngiz görüntü verirdi. Çəhrayı səmanı əks tərəfində, göyün daha qaranlıq hissəsində işıldayan ulduzlar nəzərə çarpırdı. Qabağındakı mənzərə o qədər möhtəşəm idi ki, Neon buraya nə məqsədlə gəldiklərini unutmuşdu. Bir neçə botanik işə başladıqda Neon da xoşbəxt xəyallarından ayrılaraq qarşılarında duran vəzifənin ağırlığına döndü... Qeyd: Bu hekayə 2 il əvvəl yazılmışdır , odur ki, bir sıra yazı xətaları ilə doludur. Qayıdıb bir-bir düzəldə bilmədiyim üçün üzrlü sayın.