Walong taon na ang nakalipas nang iwan ni Helena ang buhay na para sa mga kababalaghan. Natapos ang kalayaang inaakala niya nang isang araw ay magising mula sa isang napakahabang pagtulog. Luma pero pamilyar ang kama at silid. Ang buong katawan niya ay manhid sa matagal na hindi paggalaw. Ang bibig niya ay puno ng lupa at asin. At wala siyang maalala sa mga naganap. Bakit at paano siya napunta roon? Sino ang pumatay sa apat na taong nakakalat sa pamilyar na bahay? Bakit siya naiwang buhay? She intends to find out everything. Lalo na nang madiskubre niya na sa buong panahon na wala siyang malay ay may isang taong nagkukunwaring siya.

Inspired ng mga klassik Filipino movies na gawa ng studios tulad ng Sampaguita, Premiere at LVN, ito'y kwento ng mga artista, past and present, at ng mga taong nasa likod ng paggawa ng pelikula. Isang hindi malilimutang soap opera. Ang istorya ay tungkol kay Andrea Rosa, ang matandang curator ng isang movie museum at ang obsession niya sa lumang pelikulang pinamagatang "Dugo sa Bughaw" na kinikilalang "greatest Filipino film of all time" at ang napipintong modern remake nito na magbabago sa kanyang buhay.

Madalas makapulot ng barya sa lansangan ang 11-year old na si Boyet na nakatira sa may squatter's area. Nang mamatay ang kanyang ina, ay nauwi siya sa pagtitiis sa kalupitan ng kanyang ama at mga kapatid. Nakahanap siya ng kaibigan at tagapagtanggol sa isang matandang nagaayos ng mga bintilador. Isang gabi, sa hindi niya inaasahang pangyayari, nakatagpo siya ng isang bag na puno ng perang papel...katabi ng bangkay ng isang lalaki.