» يابه ابوس ايدك لتحرمني من ابني والله ماملك بدنيا غيره هو النفس اليصعد وينزل عاقبني باي طريقه تختارها بس عوف ابني لتاخذه مني يابه ابوس رجلك »رضااا »ها يابه »اخذها من يمني لا بعلي ادفنها هنا واغسل عاري ماريد لا اشوفها ولا اسمع صوتها واذا لمحتها جدامي ماحاسب غيرك »لا يابه لا فدوه يابه لسوي هيج اريد ابني لتاخذوه مني ولكم اني ام خافو الله بيه ماسويت شي حتئ تعاقبوني علي والله ماسويت ضليت اصيح وعيط وابجي بيدين رضا وهو يحاول يطلعني لكن لاحياة لمن تنادي مشهد من القصه ليس النهايه ولا البدايه وانما مشهد منها فقط........

مرحبا بيكم بروايتي حبايب كلبي ،، الرواية حتكون مختلفة ، انو هي بنية من بغداد تعذبت طول حياتها وي اهلها وحتواجه هواي مصاعب هي واختها ،، وحتروح وتبقى كدخيلة عند بيت شيوخ من البصرة ومن هنا تبدأ القصة ،،،، قراءة ممتعة ،، اتمنى تعجبكم ❤🌺

شفت عيونة نزلت على رگبتي .. اشتدت طبكة حواجبة اكثر ووجهة صار احمر .. كمزت من تيه العوجية وطاحت بالكاع .. وبثانية جان لازم بيدة الكلادة .. حجة بلهفة : منين جبتيهة هاي الكلادة .. حطيت ايدي فوك ايدة اريدة يعوفة لان شاد عليهة : عوفهة لا تنكطع .. هاي كلادة امي .. رفع عيونة بعيوني : ادري كلادة امج .. منين جبتيهة .. شلون وصلت الج ..