For Harvey Cuevas, isang malaking sakit ng ulo si Trinity Punzalan. Kahit pa ba saksakan ng ganda ang babae, ito naman ang dahilan kung bakit lalong lumaki ang problema niya sa kapatid. Konsumisyon na nga noon ang kapatid niya, lalo pang nadagdagan ngayon sa pagdating ni Trinity sa buhay nito. He told himself na kailangan niya itong mailayo sa kapatid sa kahit na anong paraan. Nagtagumpay nga siyang gawin 'yun... at nagbago ang lahat... siya naman ngayon ang nababaliw sa babae.

Ang buong akala ni Sarah ay tuluyan na niyang natakasan ang nakaraan niya. Pero nagkamali siya. Dahil kahit anong pagbabago ang gawin niya sa sarili ay nahanap pa din siya ng mga taong pumatay sa ama niya. nang manganib ang buhay niya ay napilitan siyang tanggapin ang alok ni Keith dela Vega na magkaroon ng bodyguard. Pero gusto niyang bawiin ang naging desisyon nang malamang si Benedict pala ang magiging bodyguard niya. at ang mas ikinaloka pa niya ay kailangan nilang magpanggap na may relasyon. Hindi niya napaghandaan ang magiging epekto sa kanya ng pagpapanggap nila. Dahil sa bawat salita at sulyap na ibinibigay nito sa kanya ay hindi niya napigilan ang sarili na mahulog ang loob dito. Pinilit niyang labanan ang atraksiyong nararamdaman sa binata pero mukhang natalo siya ng puso niya. Pero isang pagkakamali ang naging dahilan para lumayo ang loob sa kanya ng binata. Ano ang gagawin niya para kausapin ulit siya ni Benedict? At may katugon ba ang nararamdaman niya para sa binata?