شفت عيونة نزلت على رگبتي .. اشتدت طبكة حواجبة اكثر ووجهة صار احمر .. كمزت من تيه العوجية وطاحت بالكاع .. وبثانية جان لازم بيدة الكلادة .. حجة بلهفة : منين جبتيهة هاي الكلادة .. حطيت ايدي فوك ايدة اريدة يعوفة لان شاد عليهة : عوفهة لا تنكطع .. هاي كلادة امي .. رفع عيونة بعيوني : ادري كلادة امج .. منين جبتيهة .. شلون وصلت الج ..

حجة بعصبية :هالكلب لا تجيبين اسمة كدامي مرة ثانية ... ورب الكعبة احسب الله ما خلقج رديت علي واحاول اخفي الخوف : الي دا تحجي عنة هذا اخوية شلون اتكولي ما اذكرة قرب وجهة مني وحجة بفحيح : اخوج مو ... من اليوم وجاي تنسين شي اسمة اخوج وامج واختج شيليهم من راسج انصدمت من كلامة : شنووو ... هذولة اهلي شلون تريدني انساهم ... تريد تحرمني من اهلي حسيت اصابعة انغرزت بخصري بكل قوتة صلبت ضهري من الألم سحبني من شعري وقرب وجهي منة : اهلللج ... وربي وجلالة اذا ما حركت گلب اخوج عليج وحركت كلبج على اخوج واهلج مثل ما حركتو كلبي على اخوي ما يطلع اسمي غزوان الجاسر

قصه واقعيه تتحدث عن احد الشيوخ وعلاقاته بالنساء وقصته مع البنت التي وقع في غرامها خاصه وهو شخص له سلطه وجبروت فكيف يستخدم جبروته لاخضاعها له فهي ليست فصليه وقعت بين يديه وليست فتاة تخضع لجبروت رجل انها فتاة قررت ان تكسر قواعد العشق والعادات