إن وجودك هنا يعنـي انضمامك للعالم الواقعـي شخصيات الرواية من واقعنا .. ستجد نفسك تعيش بينهم تفرح لفرحهم وتحزن لحزنهم فمن المستحيل ان تقرأ هذه الرواية دون أن تذكر شخصيةً مـا في حياتك .. سواء كانت جيدة ام سيئة ستجد الذ اعدائك بينهم .. او يمكن ستجد اكثرهم وفاءً لك ستجد امـاً ضحت واوفت لأولادهـا . لكن القدر لم ينصفهـا .. ليعانوا اولادها ماعانت فيتحملوا عبئ مرضهـا بينما كانت تحمل عبئ تربيتهم منذ صغرهم . فهنا تجد اسمى انواع الحب والوفاء بين الام وأولادها والاخوة فيمـا بينهم ..

دهاليز القدر

نترت بوجهه » متمشي كلمتك عليه صارت عيونه بعيوني كلها غضب وعصبيه لزمني من عكس ايدي وقربني اله يحجي بعصبيه ينصي ويعلي بصوته وانفاسه الحاره احسها قريبه مني تبث البركان الي بداخله » تمشي عليج وعلئ الاكبر منج فهمتي لو لا وطولت اللسان وياي متفيدج اتسوين الگلته وانتي الممنونه مفهوووم التفت علئ زينب وگال فهميها لاختج كلامي احسن ما اسوي شي ليعجبها وليعجبجن دار وجه واتجه للتخم بعصبيه اخذ تلفونه وسويجه وباكيت الجگاير وطلع عباس هم طلع وراه التفتتلي رونق. » كسري الشر معوده وسوي مثل مگال تره مبين ميتفاهم وشفتي شگد معصب » گتلجن ماسوي الي يريده ومتمشي كلمته عليه وشيسوي خيسوي عفتهن وصعدت للغرفه وقفلت الباب اتجهت للسرير واني دمي فاير منه