LUCIJA'S KEYS #1: THE SEEKERS #1: A WARRIOR'S FIGHT Humphrey was just an ordinary car racer. Pero nagbago ang lahat ng iyon nang maaksidente siya at magising sa isang ospital at napapaligiran ng mga kapatid niya. Mukha nga lang iyong ordinaryong pangyayari pagkatapos ng aksidente pero ang nakapanghihiwagang hindi kaagad nila napansin ay wala sino man sa kapatid niya o kahit siya ang nakakaalam kung saang parte ng Manila ang ospital na iyon. Isa pang aksidente ang kinasangkutan niya kasama ang mga kapatid nang papunta sila sa Aurora para bisitahin ang kanilang abuela. Doon nagsimula ang mga kababalaghang nangyayari sa kanilang magkakapatid. Doon lang din niya naalala na kasama nga pala niyang naaksidente ang babaeng pinakamamahal niya. At kahit anong paghahanap pa ang gawin niya ay hindi niya ito makita. May kinalaman kaya ang babaeng may puting buhok sa mga kababalaghang nangyayari sa kanya? Palagi na lang kasi niya itong nakikita sa tuwing may masamang nangyayari sa kanya. At nasaan na ang babaeng mahal niya?

LUCIJA'S KEYS #1: THE SEEKERS #4: THE PROTECTOR'S STRUGGLE Ang akala ni Claude ay depressed lang siya o kaya ay nababaliw na kaya kung minsan ay nakakarinig siya ng kung anu-ano. Pero paano kung may eksplanasyon ang lahat ng nangyayari sa kanya? Bata pa lang may mga naririnig na siyang tinig. Hindi madalas mangyari iyon. Taon ang lumilipas bago mangyari uli kaya kaagad din niyang nakakalimutan. Isa pa hindi rin naman niya naiintindihan ang mga sinasabi ng mga boses na iyon. Pero unti-unting dumadalas ang mga tinig na naririnig niya at mas nagiging klaro ang mga lengguahe. Iyon nga lang, hindi rin niya maintindihan dahil yari bang hindi galing sa mundo ang lingguaheng iyon. Noong una ay wala siyang pakialam sa mga naririnig. Hanggang sa maaksidente siya kasama ang mga kapatid niya. Doon nagsimula ang lahat ng kaguluhan sa pamilyang Castillion.

Fiction