كبرياء اعمي shimooelwady@yahoo.com أدهم: مهندس كمبيوتر وبرمجه صاحب شركه من اكبر شركات الكمبيوتر (وسيم وطويل وصاحب جسم رياضي عنده 33 سنه) ليلي: بنت جميله جدا وفقيره جدا اتخرجت من الجامعه بالعافيه بتشتغل في مطعم علشان تعرف تصرف علي امها وجوز امها وبتشتغل من صغرها وعندها 23 سنه (بيضه وشعرها اسود وطويل وجميل وكل حاجه فيها حلوه ) سهيله: صديقه لعيله ادهم من زمان حمدي: ابن عم ادهم وديما بغير منه وبيتمني يبقي زيه كريمه: ام ادهم وبتحب ابنها جدا واهم حاجه عندها في الدنيا انها تجوزه وتشوف عياله ************************************* نبدأ قصتنا في شاليه بعيد في الغردقه ادهم قاعد في بلكونته اللي دافن نفسه فيها علي طول ومش بيخرج منها الا علشان يروح يكمل حبسته في اوضته ... كان يوم جميل جدا .الشمس هاديه والهواء تحفه الجمال ده كان حواليه بس لكن هو مفيش جواه غير مرار وبس فجأه وهو سرحان:: اد ايه المنظر من هنا يجنن يا بختكم بالمنظر ده!!! ادهم: ايه ده؟ انتي مين؟؟ ودخلتي هنا ازاي؟؟

قصه بنت بسيطه مكانتش ابدا بتفكر في حاجه اسمها حب لغايه ما قابلت اللي يغير تفكيرها ويقلبلها حياتها180 درجه والصدف اللي في حياتها واحساسها اللي عمرها ما كدبته وهل ياتري اللي بتحبه هو كمان بيحبها ولا لا وهيكونوا مع بعض ومصيرهم واحد ولا نهايه حزينه هنعرف في الروايه...