Problemado si Yumi dahil patuloy ang pagkalugi ng kanyang negosyo. Bukod doon ay hina-harass pa siya ni Don Antonio Buenavista, ang mayamang negosyante na nais bumili sa kanyang lupain. Dumagdag pa sa kanyang konsumisyon ang isang bisita nila sa Red Paradise Inn -- si Drew, ang photographer na taga-Maynila na pampalipas-oras na yata ang pangungulit sa kanya. Sa kabila ng pagkainis sa binata, hindi niya maikakaila sa kanyang sarili ang damdaming binubuhay sa kanya ng bawat pilyong ngiti nito, ng bawa panakaw na pagkuha nito ng litrato, ng pagpapakita nito ng pagdamay sa kanya. Nang bumalik ito sa Maynila ay labis-labis ang pangungulila niya rito. Wala siyang ibang hinahangad kundi ang makita uli ito. Pero higit pala siyang masasaktan sa muling pagtatagpo nila. Dahil sa pagkakataong iyon, nalahad na sa kanya ang tunay na pagkatao nito.

Luke is Candy's one true love. Mula pa nang matutunan niya ang ibig sabihin ng salitang pagmamahal ay ang binata na ang lihim niyang inukit sa puso niya at pinag-alayan ng habang buhay na pagmamahal niya. Kaya naman dream come true nang maituturing na natupad ang long-time dream niya. Na masungkit ang puso ni Luke Faustino! Masaya at perpekto ang kanilang pagsasama. 'Perfect couple' pa nga ang tawag sa kanila ng mga nakakakilala sa kanila at sa puso niya, nasisiguro na niyang ito na ang lalaking gusto niyang makasama habang buhay. Ngunit bumalik ang una at totoong nagmamay-ari ng puso ng lalaking minamahal niya at doon nagsimula ang pagiging praning niya, ang takot niya na mawawala na si Luke sa kanya. Ano na ngayon ang gagawin niya? Ipaglalaban ba niya ang nararamdaman niya o hahayaan na lang si Luke na bumalik sa totoong laman ng puso nito?

Gusto ko, Akin ka lang, habang buhay.

Hindi pa nagkaka-boyfriend si Catherine. Hopeless romantic kasi siya. Ang gusto niya, kapag pumasok siya sa isang relasyon ay dahil mahal niya ang isang lalaki at hindi para magkanobyo lang. Pero wala yatang Prince Charming na nakalaan para sa kanya dahil ni minsan ay wala pang lalaking nagpakabog nang husto sa puso niya. Hanggang sa umeksena sa buhay niya si Lance Pierro Alvarez. Mayaman ito, matalino, at guwapo. Okay na sana--- kung hindi lang ito punoNg-puno ng angas at yabang.