مو أني التلوين ايدي مياس اِنتبهي لنفسچ زين قبل لا تحچين كلام تندمين عليه بعدين أني شهم ولچ تعرفين شنو يعني شهم لو لا احبتهُ بـ مراهقتها ونبذها بـ عقلهِ فـ هل تجمعهم نبضات القلب أم يكون للقدر رأي آخر ؟!!

گعدت واني مدنگه ما اعرف شبيه عبالك اول مره أشوفه لو أگعُد مقابيله و أكُل ، حاولت أتجاهل وجوده ، بس وين واني أحسن نبضات گلبي يدُگن بإذاني ، داحس عيونه عليه تراقبني ، اريد اكذب إحساسي ، رفعت راسي ، وطلع إحساسي ميكذب ، شفت عيونه عليه ، تمنيتكم تشوفون عيونه شلون بيهن ندم واعتذار وحزن تمنيت احضنه وابوس عيونه و أگله والله مزعلنه عليك ، بس لا تخليني أشوف هذا الحزن بعيونك ، عيوني انملت دمع و اني بعدني ما منزله عيوني منه ، شلون ويه عيوني الراح تفضحني ، دنگت راسي بس هلعبره الخنگتني شلون بيها ،