"Kung tungkol kay Anthony... na sabi sa akin ni Ally ay nakita ka raw niya na parang lalapit sa stage pero bigla ka na lang tumalikod. Siguro nakita mo 'yong ginawa ni Anthony, niyakap niya ako at humalik pa. Hindi ko inaasahan na gagawin n'ya 'yon. Teka, nagseselos ka ba? Ano ba'ng ibig sabihin no'ng hinalikan mo ako? Para lang patunayan na hindi ka baklus? Hindi ka bading? Eh, kung sabihin sa 'yo, oo, sobrang masaya ako na hindi ka pala totoong bakla! Slow lang talaga ako. Hindi ko agad na-realize na hindi ka pala gano'n. Binalikan ko sa isip ko 'yong pagkikita natin... ako 'yong nag-assume na bading ka. Ewan ko ba kung bakit ko naisip 'yon that time. Ang nakakaasar, sinakyan mo! I hate you, Kiel!"

Nakatakda nang ikasal si Ciarra nang muling sumulpot sa landas niya si Miguel, ang kanyang kababata at ex-boyfriend. Ang malditong si Miguel ang kanyang first enemy, ang kanyang first love, first kiss at ang kanyang first heartbreak. Gaano man katagal ang lumipas na panahon, at gaano man niyang pilit na ikaila sa sarili ay na-realize niyang hindi pa rin nagbabago ang epekto ni Miguel sa kanya. Ito lang ang may kakayahang magpatuliro ng isip niya, ang magpa-excite sa kanya nang bonggang-bongga. Kaya lang, alam niyang hindi makatarungan na magpatuloy pa ang kahiwagaang dulot ni Miguel. Kailangan niyang iwasan ito dahil ikakasal na siya sa lalaking sa tingin niya ay mas karapat-dapat sa kanya.

Kung ano-anong masasakit na salita ang palaging ibinabato ni Happy sa kababata niyang si Garret. Ngunit kung anong inis niya rito, siya namang pagkagiliw ng tatay niya rito. Si Garret ang palaging kasa-kasama ng tatay niya sa pagkakarpintero. "Kahit ano'ng sabihin n'yo, ayoko pa rin sa Garret na 'yon. Ayoko sa lahat iyong taong walang modo, basagulero, at walang ambisyon sa buhay." Lumipas ang mga taon. Isa na siyang matagumpay na arkitekto. Sa pagkakataong iyon ay muling nagkrus ang mga landas nila Garret. Ibang-iba na ang lalaki sa Garret na nakilala niya noon. Mukhang kakainin yata ni Happy ang mga sinabi niya noon tungkol sa lalaki dahil sa kakaibang damdaming nararamdaman niya rito...

This has been published more than 6 years ago, I think. It's been six years now so events and trends that's in the book might be sooooooo outdated. :) Also parts that has been uploaded is not edited so pardon typo and grammatical errors.